လိင်ပိုင်းဆိုင်ရာ စော်ကားမှုကျူးလွန်ခဲ့တယ်ဆိုတဲ့ စွပ်စွဲချက်ကနေ လွတ်မြောက်ခဲ့တဲ့ မန်စီးတီး ကစားသမားဟောင်း မန်ဒီ
2:45 PM, 15 July
မန်စီးတီးအသင်း၏ ဘယ်နောက်ခံလူဟောင်း မန်ဒီ သည် ၎င်း၏ ပေါင် ၄သန်းတန် အိမ်တွင် အမျိုးသမီး ၂ ဦးအား မုဒိမ်းကျင့်ရန် ကြိုးပမ်းမှု စွပ်စွဲခံရခြင်းမှ ကင်းစင်သွားပြီးနောက် 'ဘုရားသခင်ကို ချီးမွမ်းပါ' ဟု ပြောဆိုခဲကြောင်း သိရပါတယ်။ ယနေ့မွန်းလွဲပိုင်း၌ ချက်စတာခရောင်း တရားရုံးတွင် ခုံသမာဓိအဖွဲ့မှ သုံးနာရီကြာ ဆွေးနွေးပြီးနောက် အသက် ၂၈ နှစ်ရှိပြီဖြစ်တဲ့ မန်ဒီကိုအပြစ်မရှိကြောင်း စီရင်ချက်ချခဲ့တာဖြစ်ပါတယ်။
မန်ဒီသည် ၎င်းကျင်းပခဲ့သောပါတီများအတွင်း မုဒိမ်းကျင့်ရန် ကြိုးပမ်းမှု ၂ မှုကို ပြန်လည် စမ်းစစ်ခြင်း နှင့် ရင်ဆိုင်ခဲ့ရပါတယ်။ သူသည် ဇွန်လကုန်တွင် မန်စီးတီးအသင်းနှင့် စာချုပ်သက်တမ်း ကုန်ဆုံးခဲ့ပြီး အလွတ်ကစားသမားအဖြစ် အသင်းလက်မဲ့ဖြစ်နေပါတယ်။
အဆိုပါပြင်သစ်လက်ရွေးစင် နောက်ခံလူသည် ဇန်နဝါရီတွင် တရားရုံးတွင် အမှုတွဲပြီးနောက် မုဒိမ်းမှု ၆ မှုနှင့် လိင်ပိုင်းဆိုင်ရာ စော်ကားမှု ၁ မှုတို့ကို ဖယ်ရှားခဲ့ပြီးဖြစ်ပါတယ်။ အဆိုပါ ပြစ်ချက်များ ရှင်းသွားတဲ့အခါ မန်ဒီက ငိုကြွေးပြီး အခု 'သူ့ဘဝကို ပြန်တည်ဆောက်မယ်' လို့ပြောပြီး ထိပ်တန်းဘောလုံးလောကကို ပြန်လာနိုင်ဖွယ်ရှိတယ်လို့ ဆိုပါတယ်။ 'Alhamdulillah' ဟူသောအာရဗီစကားစုဖြင့် 'ဘုရားသခင်အား ချီးမွမ်းထောမနာပြုပါလော့' ဟုသာ ပြောဆိုပြီး ဂျာနယ်လစ်များ၏ အင်တာဗျူးကိုတော့ ဖြေကြားခြင်းမရှိခဲ့ပါဘူး။
အထွေထွေ ရာဇ၀တ်မှု အကြီးအကဲ ဂျင်နီ ဝစ်ရှီးယားက "မန်ဒီရဲ့ ဒီအမှုကို ကောလာဟလ၊ လိမ်ညာမှုတွေနဲ့ ပေါ်မလာဘဲ ဒီတရားခွင်မှာ သက်သေတွေကို အာရုံစိုက်တဲ့အတွက် ဂျူရီလူကြီးအဖွဲ့ဝင်တွေကို ကျေးဇူးတင်ကြောင်း ပြောကြားလိုပါတယ်။ ဒါဟာ မစ္စတာမန်ဒီကို ဒုတိယ အကြိမ် ခုံရုံးက အပြစ်မရှိကြောင်း စီရင်ချက်ချခဲ့တာပါ။ တရားသူကြီးနှစ်ဦးစလုံး မှန်ကန်သော စီရင်ချက်ချနိုင်ခဲ့သည့်အတွက် ဝမ်းမြောက်မိပါတယ်။ ဒီကိစ္စကို ရဲက စတင်စုံစမ်းတာ ၃ နှစ်နီးပါးရှိပြီ။ မစ္စတာ မန်ဒီအနေဖြင့် အားတင်းထားသော်လည်း ရဲဌာနရဲ့လုပ်ငန်းစဉ်တွေက သူ့အပေါ် မလွှဲမရှောင်သာပဲ ပြင်းထန်စွာ သက်ရောက်မှုရှိခဲ့ပါတယ်။ ဒီအကျပ်အတည်းတစ်လျှောက်လုံး သူ့ကို ပံ့ပိုးပေးခဲ့တဲ့သူတိုင်းကို ကျေးဇူးတင်ပြီး အခု သူ့ဘဝကို ပြန်လည်တည်ဆောက်နိုင်ဖို့ သီးသန့်တောင်းဆိုထားပါတယ်"လို့ပြောကြားခဲ့ပါတယ်။
အသက် ၂၈ နှစ်ရှိ ပြင်သစ်လက်ရွေးစင်သည် လိင်ပိုင်းဆိုင်ရာ စော်ကားမှု ကျူးလွန်သူမဟုတ်ကြောင်း ငြင်းဆိုထားပြီး ချက်စတာခရောင်း တရားရုံးတွင် သုံးပတ်ကြာ ရုံးတင်စစ်ဆေးပြီးနောက် တရားသေလွတ်မြောက်ခဲ့တာဖြစ်ပါတယ်။ ဇူလိုင်လ ၁ ရက်နေ့တွင် ပရီးမီးယားလိဂ်ချန်ပီယံများနှင့် စာချုပ်သက်တမ်းကုန်ဆုံးခဲ့သည့် မန်ဒီ သည် ၂၀၁၈ ခုနှစ် အောက်တိုဘာလတွင် ချက်ရှိုင်းယား ရှိ ပေါင် ၄ သန်းတန်အိမ်ကြီးတွင် ထိုအချိန်က အသက် ၂၉ နှစ်အရွယ် အမျိုးသမီးတစ်ဦးကို အဓမ္မပြုကျင့်ရန် ကြိုးပမ်းမှုမှ ကင်းရှင်းခဲ့တာဖြစ်ပါတယ်။
နောက်ထပ်နှစ်နှစ်အကြာတွင် ၎င်း၏နေအိမ်တွင် အသက် ၂၄ နှစ်အရွယ် ဒုတိယအမျိုးသမီးတစ်ဦးအား မုဒိမ်းကျင့်မှုတွင် အပြစ်မရှိကြောင်း ထပ်မံတွေ့ရှိခဲ့ပါတယ်။ မန်ဒီသည် ၂၀၁၇ ခုနှစ် အောက်တိုဘာလတွင် ဘာစီလိုနာရှိ နိုက်ကလပ်တစ်ခုတွင် ပြင်သစ်ဘောလုံးသမား ဖိုဖာနာနှင့်ရင်းနှီးသော အမျိုးသမီးတစ်ဦးကို မုဒိန်းကျင့်ရန်ကြံစည်မှုတစ်ခုအတွက်ပထမဆုံးသော စွပ်စွဲခံရသူဖြစ်ခဲ့ပါသေးတယ်။
ထိုအမျိုးသမီးသည် ဖိုဖာနာနှင့် အဆက်အသွယ်ရှိပြီး တစ်နှစ်အကြာတွင် မန်ဒီ၏အိမ်တွင် သူနှင့်တွေ့ဆုံရန် စီစဉ်ခဲ့တာဖြစ်ပါတယ်။ သူတို့သုံးယောက်ဟာ အဲဒီညက မန်ချက်စတာမြို့ရဲ့ကလပ်တစ်ခုကိုသွားခဲ့ကြပါတယ်။ အဆိုပါ အမျိုးသမီးက မန်ဒီသည် နောက်တစ်နေ့နံနက်တွင် သူမ၏အိပ်ခန်းထဲသို့ ဘောင်းဘီတို ဝတ်ဆင်ကာ စိတ်လှုပ်ရှားစွာဖြင်ဝင်ရောက်လာပြီး မုဒိန်းကျင်ရန် ကြိုးစားခဲ့ကြောင်းနှင့် မန်ဒီ၏ လက်မှ လွတ်မြောက်ရန် ပြင်သစ်စကားဖြင့် 'arrêter', 'stop' ဟု ထပ်ခါတလဲလဲ ပြောခဲ့ကြောင်း ပြန်လည်ပြောကြားခဲ့ပါတယ်။
သူမသည် ဂျူရီလူကြီးအား တုန်လှုပ်ချောက်ချားကာ စိတ်ရှုပ်စရာ အိမ်ကြီးမှ ထွက်ပြေးပြီးနောက် မန်ဒီထံမှ လိင်ပိုင်းဆိုင်ရာ စော်ကားခံခဲ့ရသည်ဟု သူငယ်ချင်းတစ်ဦးထံ မက်ဆေ့ချ်ပေးပို့ခဲ့တာဖြစ်ပါတယ်။
သို့သော် မန်ဒီ က အဆိုပါအမျိုးသမီးသည် အခင်းမဖြစ်ပွားမီက သူနှင့် 'ပရောပရီလုပ်' ခဲ့ကြောင်းနှင့် ၎င်းတို့ကြားတွင် ကြည်ကြည်သာသာ လိင်ပိုင်းဆိုင်ရာ အထိအတွေ့များရှိခဲ့ကြောင်းနှင့် အတင်းအကြပ် ကုတင်ပေါ်ကို ဆွဲခေါ်သွားခြင်းမဟုတ်ကြောင်း ပြောခဲ့တဲ့အပြင် ဖိုဖာနာ က သူ့ကို လိင်ဆက်ဆံဖို့ ခွင့်ပြုချက်ပေးထားတယ်လို့ ပြောတဲ့အခါ အမျိုးသမီးက စိတ်ဆိုးသွားတယ်လို့ ဆိုပါတယ်။
မန်ဒီသည် ၂၀၂၀ အောက်တိုဘာလတွင် ချက်ရှိုင်းယား အယ်ဒါလေရှိ ဘားတစ်ခုတွင် သူငယ်ချင်းများနှင့် အပြင်ထွက်စဉ် ဒုတိယအမျိုးသမီးနှင့် တွေ့ဆုံခဲ့ပါတယ်။ မန်ဒီသည် အမျိုးသမီး၏ ဓာတ်ပုံများကို ကြည့်ရှုပြီး သူမဖုန်းကို ပြန်ယူရန် သူ့နောက်မှ လိုက်လာသောအခါတွင် လုံခြုံရေးတံခါးကို သော့ခတ်ထားပြီး သူ့အိပ်ခန်းထဲသို့ ခေါ်ဆောင်သွားခဲ့ကြောင်းသိရပါတယ်။ ကုတင်ပေါ်မလှဲခင် ဖုန်းကို ပြန်လိုချင်ရင် အဝတ်အစားများကိုချွတ်ဖို့ အမျိုးသမီးကို ပြောခဲ့တယ်လို့ ဆိုပါတယ်။ အမျိုးသမီးက သူမသည် လိင်မဆက်ဆံချင်ကြောင်း ထပ်ခါတလဲလဲ ပြောနေသော်လည်း မန်ဒီ သည် သူ့ဖုန်းအား ယူသွားသဖြင့် ပြန်ယူရန် အတွက်သာ မန်ဒီ၏နောက်သို့ လိုက်သွားခြင်းဖြစ်ကြောင်း ဂျူရီလူကြီးကို ပြောကြားခဲ့ပါတယ်။ သူမ ကုတင်ပေါ်တက်ထိုင်ပြီးမှသာ ရပ်တန့်သွားတဲ့ မန်ဒီက သူမကို 'ရှက်လွန်းသည်' ဟုပြောဆိုခဲ့ပြီး သူ့အနေနဲ့ အမျိုးသမီး ၁၀,၀၀၀ နဲ့ လိင်ဆက်ဆံဖူးကြောင်းကြွားပြောခဲ့ပါတယ် လို့ ဆိုပါတယ်။
သို့သော် မန်ဒီက အဆိုပါအမျိုးသမီးသည် ပါးစပ်ဖြင့် လိင်ဆက်ဆံရန်အတွက် ၎င်း၏အိပ်ခန်းသို့ သွားသည့်အချိန်တွင် ပျော်ရွှင်နေကြောင်း ပြောကြားခဲ့ပါတယ်။ သူမအနေနဲ့ နောက်ထပ် လိင်ဆက်ဆံမှုကို မလိုချင်ပေမယ့်၊ သူတို့က သဘောတူခဲ့ပြီး နောက်ထပ် လိင်ဆက်ဆံမှုအတွက် သူ့ကို 'အတင်းအကျပ်' မလုပ်ခိုင်းဘူးလို့ ဆိုပါတယ်။
မန်ဒီ ၏ 'စည်းစိမ်ဥစ္စာ' နှင့် 'လူ့အဖွဲ့အစည်းတွင် ရပ်တည်ချက်' သည် အမျိုးသမီးများအတွက် လိင်မှုဆိုင်ရာ ရွေးချယ်စရာသားကောင် မဟုတ်ကြောင်း တရားစွဲသည့် Benjamin Aina KC က ဂျူရီလူကြီးကို ပြောကြားခဲ့ပါတယ်။ မန်ဒီ သည် လိင်မှုဆိုင်ရာ သားကောင်မဟုတ်ကြောင်းနှင့် မတူကွဲပြားသော အမျိုးသမီးများနှင့် ပေါ့ပေါ့ပါးပါး လိင်ဆက်ဆံခြင်း နှင့် ပါတီပွဲ နှင့် ပေါ့ပေါ့ပါးပါး လိင်ဆက်ဆံခြင်း ပါ၀င်သော သူ၏ နေထိုင်မှုပုံစံနှင့် ပတ်သက်၍ 'ကိုယ်ကျင့်တရားဆိုင်ရာ စီရင်ချက်' များကို ခုံသမာဓိသို့ လွှဲအပ်သင့်သည်ဟု ခုံသမာဓိသို့ ပြောကြားခဲ့ပါတယ်။
ဖြစ်ပျက်ခဲ့တဲ့ အမျိုးသမီးတွေမှာ "လိမ်ညာမှုတွေ၊ ရှေ့နောက်မညီမှုတွေနဲ့ အလွန်ထူးဆန်းတဲ့အရာတွေ" ပါရှိတယ်လို့ မစ္စ Laws က ပြောပါတယ်။ သူမက မန်ဒီ သည် ပထမအမျိုးသမီးအား အဓမ္မပြုကျင့်ရန် မကြိုးစားခဲ့ဘဲ ဒုတိယအမျိုးသမီးက သူနှင့်လိင်ဆက်ဆံရန် ဖိအားပေးခံရပြီးနောက် အဓမ္မပြုကျင့်ခံခဲ့ရသည်ဟု ယုံကြည်ကာ ဒုတိယအမျိုးသမီးက စွပ်စွဲခဲ့ခြင်းဖြစ်ကြောင်း အခိုင်အမာဆိုခဲ့သည်။
မန်ဒီဟာ လိင်ပိုင်းဆိုင်ရာ တိုက်ခိုက်မှုတွေနဲ့ ရင်ဆိုင်နေရတဲ့ ဒုတိယအကြိမ်မြောက် ရုံးချိန်းဖြစ်ပါတယ်။
အဆိုပါ ဘောလုံးသမားသည် ဇန်နဝါရီတွင် ပြီးဆုံးခဲ့သည့် အမှုများတွင် ဂျူရီအဖွဲ့မှ အမျိုးသမီးလေးဦးအား မုဒိမ်းမှု ၆ ကြိမ်နှင့် လိင်ပိုင်းဆိုင်ရာ ကျူးလွန်မှု ၁ မှုတို့ကို အပြစ်မရှိကြောင်း တွေ့ရှိရပြီး တရားသူကြီး၏ ညွှန်ကြားချက်အရ အမှုမှ ကင်းလွတ်ခဲ့ပါတယ်။
အဆိုပါရုံးချိန်းတွင် မန်ဒီ သည် ၎င်း၏နေအိမ်တွင် အလားတူဖြစ်ရပ်မျိုးနှင့် ဒုတိယအမျိုးသမီးအား နှစ်ကြိမ်မုဒိမ်းကျင့်မှုဖြင့် စွပ်စွဲခံရခြင်းမှ တရားသေလွတ်မြောက်ခဲ့ပါတယ်။ ဒါပေမယ့် ပထမအကြိမ် ရုံးချိန်းမှာ ဂျူရီလူကြီးက သူရင်ဆိုင်ခဲ့ရတဲ့ စွပ်စွဲချက်နှစ်ခုအတွက် စီရင်ချက်မချနိုင်ခဲ့ပါဘူး။
လက်ရှိအချိန်မှာ မန်ဒီဟာ စုစုပေါင်း မုဒိမ်းမှု ရှစ်ကြိမ်၊ မုဒိမ်းမှု တစ်ကြိမ်နှင့် အမျိုးသမီး ခုနစ်ဦးအပေါ် လိင်ပိုင်းဆိုင်ရာ စော်ကားမှု တစ်ကြိမ်၊ မုဒိမ်းမှု ရှစ်မှုဖြင့် တရားသေ လွတ်ငြိမ်းခွင့် ရထားပြီး ဖြစ်ကြောင်းသိရပါတယ်။