တော့တင်ဟမ်နဲ့ ပုဂ္ဂိုလ်ရေးသဘောတူညီမှု ရရှိခဲ့ပြီဖြစ်တဲ့ ရာယာ
9:53 AM, 15 June
သတင်းတွေအရ တော့တင်ဟမ်အသင်းဟာ ဘရန့်ဖို့ဒ်ဂိုးသမား ဒေးဗစ်ရာယာကို ခေါ်ယူဖို့ ပုဂ္ဂိုလ်ရေးသဘောတူညီမှု ရရှိခဲ့ပြီဖြစ်တယ်လို့ သိရပါတယ်။ တော့တင်ဟမ်ဟာ လိုရစ်နေရာမှာ အစားထိုးဖို့ ရာယာကို ခေါ်ယူချင်နေတာဖြစ်ပါတယ်။ ကစားသမားနဲ့သဘောတူညီမှု ရရှိခဲ့တာကြောင့် တော့တင်ဟမ်အနေနဲ့ ဘရန့်ဖို့ဒ်အသင်းနဲ့သာ ပြောင်းရွှေ့ကြေးညှိနှိုင်းဖို့သာ ကျန်တော့တာဖြစ်ပါတယ်။
ဘရန့်ဖို့ဒ်ဘက်ကတော့ သူတို့စတားအတွက် ပေါင်သန်း ၄၀ လောက်အလလိုရှိနေပြီး တော့တင်ဟမ်နဲ့ ဆွေးနွေးနေဆဲဖြစ်ပါတယ်။ ၂ သင်းစလုံးက အပြောင်းအရွှေ့ဖြစ်ချင်နေတာကြောင့် မကြာခင်မှာ အပြီးသတ်နိုင်ဖွယ်ရှိနေကာ ကစားသမားကလည်း တော့တင်ဟမ်ကို ပြောင်းဖို့ အဆင်သင့်ဖြစ်နေပြီဖြစ်ပါတယ်။
ရာယာကို တော့တင်ဟမ်အပြင် ယူနိုက်တက်အသင်းကလည်း စိတ်ဝင်စားခဲ့သေးတာဖြစ်ပြီး အခုတော့ လန်ဒန်ကလပ်က လက်ဦးမှုရယူနိုင်ခဲ့ပါတယ်။