နွေရာသီတွင် အက်စတွန်ဗီလာအသင်းမှ ထွက်ခွာတော့မှာဖြစ်တဲ့ အက်ရှလေယန်း
2:01 PM, 1 June
နောက်ခံလူတစ်ဦးဖြစ်တဲ့ အက်ရှလေယန်းသည် အက်စတွန်ဗီလာတွင် နှစ်နှစ်ကြာ ကစားပြီး ၎င်း၏စာချုပ်သက်တမ်း ကုန်ဆုံးသွားခဲ့ပြီးနောက် ယခုနွေရာသီတွင် ထွက်ခွာမည်ဖြစ်ကြောင်းသိရပါတယ်။
အင်္ဂလန်ညာနောက်ခံလူဟောင်းသည် ယခုရာသီတွင် အက်စတွန်ဗီလာအသင်းအတွက် ၃၂ ပွဲကစားထားပြီး အက်စတွန်ဗီလာသည် ပရီးမီးယားလိဂ်တွင် အဆင့် ၇ နေရာတွင် ရပ်တည်နေကာ ယူရိုပါလိဂ်ပြိုင်ပွဲဝင်ခွင့် ရရှိခဲ့ပါတယ်။
အသက် ၃၇ နှစ်အရွယ်ရှိပြီဖြစ်တဲ့ အက်ရှလေယန်းဟာ ၂၀၂၁ ခုနှစ်မှာ အင်တာမီလန်နှင့် စာချုပ်သက်တမ်း မတိုးမီ ကနဦးတစ်နှစ်စာချုပ်နဲ့ အက်စတွန်ဗီလာသို့ပြန်လည် ရောက်ရှိလာခဲ့ပါတယ်။ သူဟာ ယူနိုက်တက်ကို မပြောင်းခင် ၂၀၀၇-၂၀၁၁ ခုနှစ်ကတည်းက အက်စတွန်ဗီလာအတွက်ကစားပေးခဲ့ပြီး အသင်းတွင်ရှိနေခဲ့သည့် ၂ ကြိမ်ပေါင်း ပွဲပေါင်း ၂၅၀ ကစားပေးခဲ့သူလည်းဖြစ်ပါတယ်။
ဗီလာပါ့ခ်သို့ မပြန်လာခင် ၎င်းသည် အင်တာမီလန်အတွက် တစ်နှစ်တာကစားခဲ့ပြီး ၎င်းကာလအတွင်း အင်တာမီလန်၏ စီးရီးအေချန်ပီယံ အသင်းတွင် ပါဝင်ခဲ့ပါတယ်။ အိုးထရက်ဖို့ဒ်မှာ ပရီးမီးယားလိဂ်၊ ယူရိုပါလိဂ်၊ အက်ဖ်အေဖလားနဲ့ အခြားဆုဖလားတွေကိုလည်း ဆွတ်ခူးခဲ့ပြီး ယူနိုက်တက်နဲ့အတူ နိုင်ငံတကာနဲ့ ပြည်တွင်းအောင်မြင်မှုတွေလည်း ရရှိခဲ့ပါတယ်။