ပရီးမီးယားလိဂ်ကနေ ချဲလ်ဆီး ဘာကြောင့် တန်းဆင်းရနိုင်တာလဲ
10:26 AM, 4 May
အင်္ဂါနေ့က အာဆင်နယ်ကို အရေးနိမ့်ပြီးနောက် လမ်းပတ်ရဲ့ချဲလ်ဆီးအသင်းဟာ ပရီးမီးယားလိဂ် ၄ ပွဲဆက် အရေးနိမ့်ခဲ့တာဖြစ်ပြီး တန်းဆင်းနိုင်ချေရှိနေသေးတာ ဖြစ်ပါတယ်။ လမ်းပတ်ဟာ ချဲလ်ဆီးအသင်းကို ယာယီကိုင်တွယ်နေတာဖြစ်ပြီး ထွက်ခွာသွားတဲ့ပေါ်တာ နေရာမှာ အစားဝင်လာခဲ့တာဖြစ်ပါတယ်။
ချဲလ်ဆီးဟာ ဒီရာသီမှာ ရလဒ်တွေဆိုးဝါးနေပြီး လာမယ့်ရာသီ ချန်ပီယံလိဂ်ဝင်ခွင့်ရဖို့တောင် မသေချာတော့တာဖြစ်ပါတယ်။ ဒါပေမယ့် လမ်းပတ်ရဲ့အခြေအနေက ဆိုးဝါးလာနေတာဖြစ်ပြီး ပရိသတ်တွေက ဘရန့်ဖို့ဒ်ကို အရေးနိမ့်ခဲ့တဲ့ပွဲအပြီးမှာ နုတ်ထွက်ဖို့ တောင်းဆိုနေကြပါတယ်။
အသင်းရဲ့အနေအထားက ဆိုးဝါးလာနေဆဲဖြစ်ကာ လန်ဒန်ဒါဘီမှာလည်း အာဆင်နယ်ကို အားပြိုင်နိုင်ခြင်းမရှိတာဖြစ်ပါတယ်။ အာဆင်နယ်က ၃ ဂိုးပြတ် အသာရထားချိန်မှာ ချဲလ်ဆီးအတွက် ချေပဂိုးကို မာဒူကီက သွင်းယူပေးခဲ့ပေမယ့် နောက်တစ်ကြိမ်ထပ်အရေးနိမ့်ခဲ့တာဖြစ်ပါတယ်။
အဆိုပါအရေးနိမ့်မှုက တန်းဆင်းဇုန်းအန္တရာယ်နီးကပ်လာခဲ့ပြီး နော်တင်ဟမ်ဖောရက်စ်နဲ့ ၉ မှတ်သာ ကွာဟတော့တာဖြစ်ပါတယ်။ ချဲလ်ဆီး အနေနဲ့ ဘုန်းမောက်ကို အနိုင်ယူပြီး သူတို့ရဲ့အထက်မှာ ၃ မှတ်ဖြတ်ထားနိုင်ဖို့ လိုအပ်နေပါတယ်။ ဖောရက်စ်၊ လက်စတာနဲ့ အလာဒိုက်ရဲ့လိဒ်ယူနိုက်တက်တို့ဟာ ချဲလ်ဆီးနဲ့ ၁၀ မှတ်သာ ကွာဟနေပါတယ်။ ဝုဗ်အသင်းက ချဲလ်ဆီးထက် ၃ မှတ် ပိုလိုအပ်နေပြီး ဝက်စ်ဟမ်းက ၆ မှတ် လိုအပ်နေပါတယ်။ ဆိုလိုတာက ချဲလ်ဆီးအနေနဲ့ လက်ကျန် ၅ ပွဲစလုံးကို အရေးနိမ့်နိုင်တာဖြစ်ပါတယ်။ လမ်းပတ်လက်ထက်မှာ ချဲလ်ဆီးဟာ ချန်ပီယံလိဂ်မှာ ရီးရဲလ်ကို အရေးနိမ့်တာ အပါအဝင် ၆ ပွဲ အရေးနိမ့်ထားခဲ့ပါတယ်။
အသက် ၄၄ နှစ်သားဟာ ဘုန်းမောက်၊ ဖောရက်စ်၊ မန်စီးတီး၊ ယူနိုက်တက်၊ နယူးကာဆယ်တို့နဲ့ ဆက်တိုက်ရင်ဆိုင်ရမှာဖြစ်ပါတယ်။ နောက်ဆုံး ၃ ပွဲက ချဲလ်ဆီးကို ချန်ပီယံရှစ်အထိ ပို့ဆောင်ပေးနိုင်တာကြောင့် သတိထားကစားရမှာဖြစ်ပါတယ်။