တိုက်စစ်မှူး ဝီလ်ဆင်ကို ချီးကျူးပြောဆိုလိုက်တဲ့ နယူးကာဆယ် နည်းပြ အက်ဒီဟိုဝီ
3:07 PM, 1 May
နယူးကာဆယ်အသင်းဟာ ယခုရာသီမှာ ချန်ပီယံလိဂ် ဝင်ခွင့်ရဖို့ သေချာသလောက်ရှိနေတဲ့အတွက် အသင်းသားများကို နည်းပြဖြစ်သူ အက်ဒီဟိုဝီက ချီးကျူးပြောဆိုမှုတွေ ပြုလုပ်ခဲ့ပါတယ်။
ဆောက်သမ်တန်ကို ၃-၁ နဲ့ အနိုင်ရခဲ့တာကြောင့် နယူးကာဆယ်အသင်းဟာ အဆင့် ၅ နေရာမှ လီဗာပူး အသင်းထက် ၉မှတ် အသာရရှိနေပြီး ချန်ပီယံလိဂ်ဝင်ခွင့်ရရန် သေချာသလောက်ရှိသွားခဲ့ပြီဖြစ်ပါတယ်။
ပွဲအပြီးတွင် အက်ဒီဟိုဝီက "ဒုတိယပိုင်းမှာ ကျွန်တော်တို့ ပိုကောင်းတဲ့ပြသမှုတစ်ခုလုပ်နိုင်ခဲ့ပါတယ်။ပရီးမီးယားလိဂ်က အမြဲတမ်းခက်ခဲနေမှာပါ။ ကျွန်တော်တို့ ဆောက်သမ်တန်ကို အလေးမထားမိပါဘူး"
ထို့နောက် အက်ဒီဟို၀ီးသည် နယူးကာဆယ်လ်အသင်းအတွက် ဒုတိယဦးဆောင်ဂိုး သွင်းယူခဲ့သော ဝီလ်ဆင်အား ကျေးဇူးတင်ကြောင်း ပြောကြားခဲ့ပါတယ်။ ၎င်းက သူဟာ ဒီရာသီမှာ ကစားခဲ့တဲ့ အချိန်တိုင်းလိုပဲ ထူးချွန်ပါတယ်။ သူက အသင်းအတွက် ထက်မြက်တဲ့ ကစားသမားဖြစ်ပြီး သက်ရောက်မှုက ဘယ်လောက်ရှိလဲဆိုတာ တွေ့နိုင်ပါတယ်။ သူက အမြဲတမ်း ဂိုးသွင်းချင်တဲ့ ဆန္ဒရှိတယ်။ ဒါက သူ့အတွက် အသက်ရှင်နေတာ၊ အသင်းအတွက်ဂိုးသွင်းနိုင်ဖို့က သူ့အလုပ်ပဲ။ ကျွန်တော် သူ့ကို အချိန်အကြာကြီး စီမံခန့်ခွဲခဲ့ပြီး သူ့ရဲ့ စွမ်းဆောင်ရည်နဲ့ ထိုက်တန်တဲ့ ဆုလာဘ်တွေ ရရှိတာကို မြင်တွေ့ရတာ အရမ်းကောင်းပါတယ်”လို့ ချီးကျူးခဲ့ပါတယ်။
နယူးကာဆယ်က ချန်ပီယံလိဂ်ဝင်ခွင့်နေရာကို အခိုင်အမာဆုပ်ကိုင်ထားပေမယ့်လည်း အက်ဒီဟောင်းက အေးဆေးတည်ငြိမ်စွာနဲ့ “လာမယ့်ပွဲစဉ်တွေက ခက်ခဲတဲ့ပြိုင်ပွဲတစ်ခုပါ၊ ပရီးမီးယားလိဂ်ရဲ့ အရှိန်အဟုန်က ဆက်ရှိနေဆဲပါ၊ အာဆင်နယ်နဲ့ပွဲစဉ်မှာလည်း ပရိသတ်တွေက ကျွန်တော်တို့ကို အများကြီးကူညီပေးဖို့ကို စောင့်မျှော်နေပါတယ်”လို့ပြောကြားခဲ့ပါတယ်။
နည်းပြဖြစ်သူ အက်ဒီဟိုဝီသည် အချိန်ပြည့် ပျော်ရွှင်စွာ နေတတ်သူတော့ မဟုတ်ပါဘူး၊ ဆောက်သမ်တန်နဲ့ ကစားခဲ့တဲ့ ပွဲအကြောင်းကို "ပြီးခဲ့တဲ့သောကြာနေ့ကပဲ ကျွန်တော်တို့ အဲဗာတန်နဲ့ ကစားခဲ့ရတာကြောင့် အသင်းသားတွေတော်တော်များများ ပင်ပန်းနွမ်းနယ်နေတဲ့ ခြေထောက်တွေနဲ့ စိတ်ဓာတ်တွေ ကျဆင်းလာတယ်၊ ဆောက်သမ်တန်နဲ့ ပထမပိုင်းအပြီးမှာ အပြောင်းအလဲတွေ လုပ်ခဲ့တယ်။အသင်းသားတွေက ခွန်အားသစ်တွေ ယူဆောင်လာခဲ့တယ်။ အတွေးအမြင်နဲ့ စိတ်ဓါတ်က အဓိကပါပဲ၊ ကျွန်တော်တို့ ပြန်လည်စုဖွဲ့ခဲ့ပါတယ်။ အချိန်၊ နည်းဗျူဟာကျကျ ပြုပြင်ပြောင်းလဲပြီး ဒုတိယပိုင်းမှာ ဆောက်သမ်တန်ကို ချေမှုန်းခဲ့ပါတယ်"လို့ ပြောကြားခဲ့ပါတယ်။