ဘယ်လင်ဟမ် ပြောင်းရွှေ့ချင်တဲ့ အသင်းကို သိကြောင်း ပြောကြားခဲ့တဲ့တဲ့ နည်းပြဟောင်း ဟယ်ရီရက်ပ်နက်
2:20 PM, 29 April
ဘာမင်ဂမ်နည်းပြဟောင်း ဖြစ်သူ ဟယ်ရီရက်ပ်နက်က သူ့အနေနဲ့ ဘယ်အသင်းက လီဗာပူးပစ်မှတ် ဘယ်လင်ဟမ် ကို နောက်ရာသီမှာ သူကစားချင်တဲ့ အသင်းမှာ ကစားစေချင်တယ်လို့ ပြောကြားခဲ့ကြောင်း သိရပါတယ်။
ဒေါ့မွန်ကြယ်ပွင့်ဟာ ၂၀၂၂ ကမ္ဘာ့ဖလားမှာ အင်္ဂလန်အတွက်ကစားခဲ့တဲ့ အထင်ကြီးလောက်စရာ စွမ်းဆောင်ရည်တွေကြောင့် တစ်နှစ်ပတ်လုံး ပြင်းထန်တဲ့ အပြောင်းအရွှေ့ သတင်းထွက်ပေါ်မှုတွေနဲ့ ရင်ဆိုင်နေရပါတယ်။
စပိန်သတင်းစာ Marca မှနောက်ဆုံးထွက်ပေါ်နေသောသတင်းအရ ရီးရဲလ်မက်ဒရစ်သည် ဘယ်လင်ဟမ်အား မန်စီးတီးထက် အရင်ခေါ်ယူရန်အတွက် ဂျာမနီသို့သွားရောက်ရန် စီစဉ်နေကြောင်း ဖော်ပြခဲ့ပါတယ်။
တစ်ချိန်တည်းမှာပဲ လီဗာပူးလ်သည် လွန်ခဲ့သည့် ရက်သတ္တပတ်များစွာက ဘယ်လင်ဟမ်ကို စိတ်ဝင်စားမှု လျော့ပါးသွားခဲ့ပြီး ကွင်းလယ်ကစားသမားကို ခေါ်ယူရန်အတွက် ၎င်းတို့၏နွေရာသီဘတ်ဂျက်များစွာကို အသုံးမပြုရန် ဆုံးဖြတ်ခဲ့ကြောင်း The Times သတင်းစာတွင်ဖော်ပြခဲ့ပါတယ်။
ဒါပေမယ့် ဒီနှစ်နွေရာသီမှာ လီဗာပူးလ်အသင်းဆီ ပြောင်းရွှေ့ဖို့ လွဲချော်ခဲ့ပေမယ့် အသက် ၁၉ နှစ်အရွယ် ကစားသမားဟာ ၂၀၂၃ ခုနှစ်မှာ ကလပ်အသင်းပြောင်းမလား ဒါမှမဟုတ် နောက်ထပ်တစ်နှစ်စောင့်မလားဆိုတာ မသေချာသေးပါဘူး။
ဟယ်ရီရက်ပ်နက် ဟာ ၎င်း၏နောက်ဆုံးမန်နေဂျာရာထူးဖြစ်သည့် ဘာမင်ဂမ်အသင်းကို ၂၀၁၆-၂၀၁၇ ရာသီ၏ နောက်ဆုံး သုံးပွဲတွင် ကိုင်တွယ်ခဲ့ပါတယ်။ ၂၀၁၆-၂၀၁၇ရာသီမှာ ဘာမင်ဂမ်အသင်းသည် ဂယ်ရီ ရော်ဝတ်၏ စီမံခန့်ခွဲမှုအောက်တွင် ရာသီအစကို ပြင်းပြင်းထန်ထန် စတင်ခဲ့သော်လည်း ချဲလ်ဆီးဂန္တဝင်ကစားသမား ဇိုလာ ကို ခန့်အပ်ရန် ဆန္ဒရှိသဖြင့် ထုတ်ပယ်ခဲ့ပါတယ်။
နည်းပြအပြောင်းအလဲက အလုပ်မဖြစ်ခဲ့သလို ဇိုလာ နုတ်ထွက်သည့်အချိန်အထိ ကလပ်အသင်းသည် တန်းဆင်းဇုန်ထိ အံ့အားသင့်ဖွယ် ကျဆင်းသွားခဲ့ပါတယ်။ ထို့နောက် ဟယ်ရီရက်နပ် ဝင်လာပြီး နောက်ဆုံးသုံးပွဲမှာ နှစ်ပွဲအနိုင်ရအောင် စွမ်းဆောင်နိုင်ခဲ့ပါတယ်။ နောက်ရာသီတွင် ဆက်ရှိနေသော်လည်း ပရက်စတန်အသင်းကို ၃-၁ ဖြင့်ရှုံးနိမ့်ပြီဂနောက် စက်တင်ဘာလတွင် ထုတ်ပယ်ခံခဲ့ရတာဖြစ်ပါတယ်။
ထိုအချိန်တွင်၊ ဘယ်လင်ဟမ် သည် အသက် ၁၄ နှစ်သာရှိသေးပေမယ့် ဘာမင်ဂမ်၏ ယူ-၁၈ အသင်းအတွက် ပွဲဦးထွက်ပွဲထွက်ရန် ပြင်ဆင်နေသောကြောင့် ဟယ်ရီရက်ပ်နက်သည် ငယ်ရွယ်သော ပါရမီရှင်ကို သတိပြုမိခဲ့ပါတယ်။
ယခုအချိန် အသက် ၇၆ နှစ်ရှိပြီဖြစ်တဲ့ ဟယ်ရီရက်ပ်နက် က ကွင်းလယ်ကစားသမားသည် လာမည့်ရာသီတွင် မည်သည့်အသင်းတွင်ကစားလိုကြောင်း ပြောကြားခဲ့ပါတယ်။
ဟယ်ရီရက်ပ်နက် က “သူက အံ့ဩစရာပဲ၊ သူက ရီးရဲလ်မက်ဒရစ်ကို သွားချင်တယ်လို့ ကျွန်တော်ကြားတယ်။ အဲဒါက သူနဲ့ နီးစပ်တဲ့ အရမ်းကောင်းတဲ့ သတင်းရင်းမြစ်တစ်ခုဆီကနေ ကြားခဲ့ရတာပါ။ လီဗာပူးက ခေါ်ဖို့မသေချာတဲ့အချိန် မန်စီးတီး ဒါမှမဟုတ် ချဲလ်ဆီးကသူ့ကို ကမ်းလှမ်းလာနိုင်ပါတယ်။ ဒါပေမယ့် ကောလဟာလကတော့ သူက ရီးရဲလ်မက်ဒရစ်ကို သွားချင်နေတာပါ"လို့ပြောကြားခဲ့ပါတယ်။
ဟယ်ရီရက်ပ်နက် ၏မှတ်ချက်ကြောင့် စပိန်သတင်းစာ AS သည် ရီးရဲလ်သို့ ပြောင်းရွှေ့ခြင်းနှင့်ပတ်သက်၍ ဘယ်လင်ဟမ် ၏ 'စိတ်သည် အဆင်သင့်ဖြစ်နေပြီ' ဟုဖော်ပြခဲ့ပြီး ယခုနွေရာသီတွင် ရီးရဲလ်မက်ဒရစ်အနေနဲ့ ဘယ်လင်ဟမ်ကို ခေါ်ယူရန် စီစဉ်နေကြောင်းဖော်ပြခဲ့ပါတယ်။