ပရီးမီးယားလိဂ်ကို မြန်မြန်ဆန်ဆန် တန်းပြန်တက်လာပြီဖြစ်တဲ့ ကွန်ပနီရဲ့ဘန်လေ
10:00 AM, 8 April
ကွန်ပနီဦးဆောင်တဲ့ ဘန်လေအသင်းဟာ ပရီးမီးယားလိဂ်ကို မြန်မြန်ဆန်ဆန်ပဲ တန်းပြန်တက်နိုင်တာတွေ့ရပါတယ်။
မနေ့ညက ယှဥ်ပြိုင်ကစားတဲ့ မစ်ဒယ်ဘရော့နဲ့အဝေးကွင်းပွဲစဥ်မှာ ဘန်လေက ၂-၁ဂိုးနဲ့နိုင်ပြီး ပရီးမီးယားလိဂ်ကို တန်းပြန်တက်ခဲ့ပါပြီ။
အဲဒီပွဲမှာ ဘန်လေအတွက် အက်ရှ်လေဘန်းကအဖွင်ဂိုးသွင်းခဲ့ပြီး ဘိုရိုဘက်က အက်ပွန်က ပင်နယ်တီကတစ်ဆင့် ချေပဂိုးသွင်းခဲ့ပါတယ်။
ဒါပေမယ့် ပွဲချိန် ၆၆ မိနစ်မှာ ရောဘတ်က အနိုင်ဂိုးသွင်းယူပေးခဲ့ပါတယ်။ ကွန်ပနီဟာ ဘန်လေမှာ ဘယ်လာမီနဲ့လက်တွဲပြီး တိုက်စစ်ခံစစ်မျှတအောင် ကိုင်တွယ်ခဲ့ပါတယ်။
အိမ်ကွင်းမှာတဲ့ မိုက်ကယ်ကာရစ်ရဲ့ဘိုရိုအသင်းကို အနိုင်ယူခဲ့တာ ထိုက်တန်တယ်လို့ပြောရမှာပါ။
မနှစ်က တန်းဆင်းခဲ့ရတဲ့ဘန်လေဟာ နည်းပြရှောင်ဒိုက်ချ်ကိုထုတ်ပြီး ကွန်ပနီနဲ့အစားထိုးခဲ့ပါတယ်။
ရှောင်ဒိုချ်က်နေရာကို ရယူထားတဲ့ ကွန်ပနီအတွက်ကတော့ ဘန်လေကို ပရီးမီးယားလိဂ်ပြန်ပို့ပေးတာ ကြီးမားတဲ့အောင်မြင်မှုဖြစ်ခဲ့ပါတယ်။
ဘန်လေဟာ ကစားသမားကောင်းတွေဖြစ်တဲ့ နစ်ပုပ်၊ဘန်မီးလ်၊ ထရိုရောစကီး၊ မက်နေးလ်နဲ့ ကော်နက်စ်တို့ကို ရောင်းချခဲ့ပေမယ့် လူငယ်ကစားသမားတွေနဲ့အစားထိုးပြီး အောင်မြင်မှုပြန်ရခဲ့ပါတယ်။
ဒုတိယနေရာမှာ ရှက်ဖီးလ်ယူနိုက်တက်ရှိနေပြီး ဘန်လေထက် ၁၁ မှတ်လျော့နည်းနေပေမယ့် တန်းတက်ဖို့အခွင့်အရေးများနေပါတယ်။
လူတန်၊ မစ်ဒယ်ဘရော့၊ မီဝေါလ်နဲ့ဘလက်ဘန်းတို့က ချန်ပီယံရှစ်ရှုံးထွက်ထပ်ကစားရမှာပါ။
လက်ကျန်ပွဲစဥ်တချို့ကျန်သေးလို့ နော့ဝှစ်၊ ပရက်စတန်တို့လည်း အခွင့်အရေးရှိနေပါသေးတယ်။