ခံစားချက်ကို အသေးစိတ်ရှင်းပြဖို့ ကွန်တီအား တိုက်တွန်းလိုက်တဲ့ ဟိုဂျက်
1:49 PM, 23 March
တော့တင်ဟမ်အသင်း ကွင်းလယ်လူ ဟိုဂျက်သည် အသင်းဖော်ကစားသမားများနှင့် ကလပ်ဘုတ်အဖွဲ့အား အံ့အားသင့်စွာ အော်ဟစ်ပြောဆိုပြီးနောက် အန်တိုနီယိုကွန်တီအား 'အသေးစိတ်' လုပ်ရန် တိုက်တွန်းခဲ့ကြောင်းသိရပါတယ်။
အီတလီသား နည်းပြ ကွန်တီဟာ စနေနေ့က ဆောက်သမ်တန်ကို ၃-၃ သရေကျခဲ့တဲ့ပွဲမှာ သူ့ရဲ့ကစားသမားတွေကို ပရော်ဖက်ရှင်နယ်မဆန်ပဲ ဖိစီးမှုအောက်မှာ မကစားချင်တဲ့သူတွေလို့ စွပ်စွဲခဲ့တာကြောင့် ကစားသမားတွေက မယုံနိုင်လောက်အောင် တုန်လှုပ်သွားခဲ့ပါတယ်။ တော့တင်ဟမ်အသင်းအနေနဲ့ ရာသီကုန်မှာ စာချုပ်သက်တမ်း ကုန်ဆုံးတော့မယ့် ကွန်တီကို ထုတ်ပယ်ဖို့ စဉ်းစားနေပါတယ်။
အီတလီသားဟာ ပြီးခဲ့တဲ့ရာသီက သူ့ရဲ့ကစားသမားတွေနဲ့ ကောင်းမွန်တဲ့ပုံစံကို သက်သေပြခဲ့ပေမယ့် သူ့ရဲ့တောင်းဆိုမှုတွေ၊ သူ့ရဲ့အမူအရာနဲ့ သူ့ရဲ့နည်းဗျူဟာတွေက ဒီရာသီမှာ အဆင်မပြေမှုတွေ ဖြစ်လာခဲ့ပါတယ်။ ကွန်တီ၏ ဆုံးဖြတ်ချက်များနှင့် အသင်းကို လူသိရှင်ကြားဝေဖန်မှုများကြောင့် သူ့ကို အသင်းမှ ထပ်မံထွက်ခွာရန် ခြိမ်းခြောက်နေကြောင်း သိရပါတယ်။ ထိုအပြင် ဒိန်းမတ်လက်ရွေးစင် ဟိုဂျက်က သူသည် ကွန်တီအား လုပ်ဆောင်ချက်များကို ပိုမို အသေးစိတ် ဆောင်ရွက်ရန်လိုအပ်ကြောင်း ပြောကြားခဲ့ပါတယ်။
ဟိုဂျက်က "သူဟာ အလွန်ရိုးသားပြီး အလွန်ပွင့်လင်းတဲ့ သတင်းစာရှင်းလင်းပွဲတစ်ခုကိုလုပ်ခဲ့ပါတယ်။ ဘာကြောင့်လဲဆိုတော့ သူမကျေနပ်တာတွေပြောဖို့ပါပဲ။ အကယ်၍ အသင်းက ချန်ပီယံလိဂ်ကွာတားဖိုင်နယ်နဲ့ အက်ဖ်အေဖလား ဆီမီးဖိုင်နယ်ကိုသာ တက်ရောက်နိုင်မယ်ဆို သူမလုပ်လောက်ပါဘူး။ ကံမကောင်းစွာပဲ၊ အသင်းတစ်သင်း အနေနဲ့ ကျွန်တော်တို့ လိုချင်တဲ့ရလဒ်ကို မရရှိခဲ့တဲ့ အချက်က ဖြစ်ပေါ်လာတာပါ။ ပရီးမီးယားလိဂ် မှာ လောလောဆယ် ကျွန်တော်တို့ လိုချင်တဲ့ နေရာမှာ ရှိနေပေမယ့် ထိန်းဖို့ခက်နိုင်ပါတယ်။ အဖွဲ့တစ်ဖွဲ့အနေနဲ့ အောင်မြင်ချင်တယ်ဆိုရင် ပရောဂျက်တစ်ခုနဲ့ အကောင်းဆုံး ကစားနိုင်တဲ့ ကစားသမား ၁၁ ဦး လိုအပ်တယ်ဆိုတာ နားလည်ပါတယ်။ ဒါပေမယ့် ကစားသမားတစ်ယောက်အနေနဲ့ သူဘယ်လိုခံစားရလဲဆိုတာကို အသေးစိတ်ရှင်းပြဖို့ လိုမယ်ထင်တယ်"ဟု ပြောကြားခဲ့ပါတယ်။
တော့တင်ဟမ်အသင်းသည် ကွန်တီကို ထုတ်ပယ်ခဲ့ပါက ရွိုင်ယန်မေဆန်သည် လက်ကျန်ရာသီအတွက် တာဝန်ယူရဖွယ်ရှိနေပါတယ်။ ရွိုင်ယန်မေဆန်သည် သူ၏ ပထမဆုံး တော့တင်ဟမ်နည်းပြအဖြစ် ၂၀၂၁ ခုနှစ်တွင် မော်ရင်ဟိုကို ထုတ်ပယ်ခဲ့ပြီးနောက် ကာရာဘောင်ဖလားဗိုလ်လုပွဲတွင် မန်စီးတီးအသင်းအား ရှုံးနိမ့်ခဲ့သည့် ပွဲစဉ်အား ယာယီတာဝန်ယူခဲ့ကိုင်တွယ်ခဲ့သူဖြစ်ပါတယ်။