လိုက်ပ်ဇစ်ကို သရေကျခဲ့ပြီးနောက် အာရုံစိုက်ကစားဖို့ အသင်းဖော်တွေကို ဂမ်ဒိုဂန်တိုက်တွန်း
10:45 AM, 24 February
လိုက်ပ်ဇစ်အသင်းကို သရေကျခဲ့ပြီးနောက် မန်စီးတီးကွင်းလယ်လူ ဂမ်ဒိုဂန်က အသင်းအနေနဲ့ အာရုံစိုက်ကစားဖို့ လိုအပ်တယ်လို့ တိုက်တွန်းပြောကြားလိုက်ပါတယ်။
ဂွါဒီယိုလာရဲ့အသင်းက ဦးဆောင်ဂိုး သွင်းယူပေးနိုင်ခဲ့ပြီး မာရက်ဇ်က သွင်းယူပေးနိုင်ခဲ့ကာ လိုက်ပ်ဇစ်အတွက် ချေပဂိုးကို ဂါဗာဒီအိုက ချေပဂိုး သွင်းယူပေးနိုင်ခဲ့တာကြောင့် သရေနဲ့သာ ကျေနပ်ခဲ့ရပါတယ်။ ပထမအကျော့မှာ အနိုင်မရခဲ့တာကြောင့် ဂမ်ဒိုဂန်က အခွင့်အရေးတွေ ဖန်တီးနိုင်ခဲ့ပေမယ့် ဒုတိယအကျော့မှာ အာရုံစိုက်ကစားဖို့ တိုက်တွန်းခဲ့ပါတယ်။
“စွမ်းဆောင်ရည်က အထူးသဖြင့် ပထမပိုင်းမှာ ကောင်းခဲ့ပါတယ်။ အဆုံးသတ်မှာ ကျွန်တော်တို့ အခွင့်အရေးကောင်းတွေ ရခဲ့ပေမယ့် ကံကောင်းစွာနဲ့ အသုံးမချနိုင်ခဲ့ပါဘူး။ အဲ့အတွက် ဒုတိယပိုင်းမှာ ခက်ခဲသွားခဲ့ပါတယ်။ အဆုံးသတ်မှာ ကျွန်တော်တို့ အိမ်ကွင်းမှာ ရလဒ်ကောင်းယူနိုင်ဖို့ လိုပါတယ်။ အီတီဟက်မှာ အလုပ်ကို အပြီးသတ်ရမှာပါ။ ဒုတိယပိုင်းမှာ ကျွန်တော်တို့ အနည်းငယ်လောက် အထနှေးခဲ့ပါတယ်။ သူတို့ကို အခွင့်အရေးတွေပေးခဲ့မိပါတယ်။ ဒါက ချန်ပီယံလိဂ်ပါ။ ရိုးရှင်းတဲ့အရာတွေက အလွယ်တကူဒုက္ခပေးနိုင်စွမ်းရှိပါတယ်”လို့ ဂမ်ဒိုဂန်က ပြောကြားခဲ့ပါတယ်။
စီးတီးဟာ မတ်လ ၁၄ ရက်နေ့မှာ လိုက်ပ်ဇစ်ကို အိမ်ကွင်းအီတီဟက်မှာ ဒုတိယအကျော့အဖြစ် ဧည့်ခံရမှာဖြစ်ကာ အဲ့မတိုင်ခင် စနေနေ့မှာ စီးတီးက ဘုန်းမောက် အသင်းနဲ့ ရင်ဆိုင်ရမှာဖြစ်ပါတယ်။