အာဆင်နယ်ရဲ့ပေါင်သန်း ၇၀ နဲ့ ကမ်းလှမ်းမှုကို ငြင်းဆန်ခဲ့တဲ့ ဘရိုက်တန်အပေါ် ကိုင်ဆီဒိုအေးဂျင့် မေးခွန်းထုတ်

8:45 AM, 4 February

ကိုင်ဆီဒိုရဲ့အေးဂျင့် ဆီရာရာက အာဆင်နယ်ရဲ့ပေါင်သန်း ၇၀ နဲ့ ကမ်းလှမ်းမှုကို ပယ်ချခဲ့တဲ့ ဘရိုက်တန်ကို မေးခွန်းထုတ်လိုက်ပါတယ်။

အာဆင်နယ်ဟာ ဇန်နဝါရီအပြောင်းအရွှေ့အတွင်း အီကွေဒေါသားကို ခေါ်ယူနိုင်ဖို့ ကြီးမားတဲ့ငွေကြေးနဲ့ကမ်းလှမ်းခဲ့ပေမယ့် ဘရိုက်တန်ဘက်က အကုန်ပယ်ချခဲ့တာဖြစ်ပါတယ်။

အဲ့နောက် အာတီတာက အသက် ၂၁ နှစ်သားကို မခေါ်ယူတော့ပဲ အီတလီသား ဂျော်ဂျင်ဟိုကိုသာ အစားထိုးခေါ်ယူခဲ့ပါတယ်။

ကိုင်ဆီဒိုရဲ့အေးဂျင့် ဆီရာရာက “ကမ်းလှမ်းချက်တွေရရှိခဲ့သလို ကိုင်ဆီဒိုကလည်း သူလိုချင်တာကိုပြောပြခဲ့ပါတယ်။ သူ့တစ်ဘဝလုံး ထိပ်တန်းအသင်းကြီးမှာ ကစားချင်တာပါ။ ဒီလိုအခွင့်အရေးမျိုးက ဘဝမှာ ထပ်မရနိုင်တော့ပါဘူး”လို့ ပြောကြားခဲ့ပါတယ်။

အာဆင်နယ်ကိုပြောင်းဖို့အတွက် ကိုင်ဆီဒိုတစ်ယောက် ကြေညာချက်ထုတ်ပြန်ပြီး တောင်းဆိုခဲ့ပေမယ့် ဘရိုက်တန်အသင်းတာဝန်ရှိသူတွေက လျစ်လျူရှုခဲ့တာဖြစ်ပါတယ်။

ကိုင်ဆီဒိုတစ်ယောက် မကြာသေးခင်တုန်းက လေ့ကျင့်ခန်းပြန်ဆင်းခဲ့တာကြောင့် လာမယ့်စနေနေ့မှာကစားမယ့် ဘုန်းမောက်နဲ့ပွဲမှာ ပြန်လည်ပါဝင်လာဖွယ်ရှိနေပါတယ်။

#အာဆင်နယ် #ဘရိုက်တန် #ကိုင်ဆီဒို