အာဂျင်တီးနားနဲ့ နိုင်ပွဲကို အိမ်တံခါးတွေပါ ချိုးဖျက်ပြီးအောင်ပွဲခံခဲ့ကြတဲ့ ဆော်ဒီပရိသတ်များ
9:32 AM, 23 November
ဆော်ဒီပရိသတ်တွေဟာ ယမန်နေ့ည အာဂျင်တီးနားကို အနိုင်ရခဲ့တဲ့ပွဲစဉ်အား အိမ်တံခါးတွေပါ ချိုးဖျက်ပြီး အောင်ပွဲခံခဲ့ကြတာကို တွေ့ရပါတယ်။ ဆော်ဒီအသင်းဟာ ယမန်နေ့ညက အာဂျင်တီးနားကို ၂-၁ဂိုးနဲ့ အနိုင်ယူကာ ကမ္ဘာကို အံ့အားသင့်စေခဲ့ပါတယ်။
အာဂျင်တီးနာက မက်ဆီရဲ့ ပင်နယ်တီဂိုးနဲ့ ဦးဆောင်နိုင်ခဲ့ပေမယ့် ဒုတိယပိုင်းမှာ ဆော်ဒီက အကောင်းဆုံး ပြန်လာနိုင်ခဲ့ကာ ၂-၁ဂိုးနဲ့ နိုင်ခဲ့ပါတယ်။ အယ်ဒေါ်စရီက ဆော်ဒီအတွက် အနိုင်ဂိုးကို သွင်းယူပေးလိုက်စဉ် အိမ်မှာကြည့်နေတဲ့ ဆော်ဒီပရိသတ်တွေက အကြီးအကျယ်အောင်ပွဲခံခဲ့ကြပြီး အဆိုပါဗီဒီယိုက တွစ်တာမှာ နာမည်ကြီးခဲ့ပါတယ်။
ပြင်းထန်လှတဲ့ အောင်ပွဲခံမှုတွေကြား ပရိသတ်တစ်ဦးဟာ အိမ်တံခါးကြီးကို ချိုးဖျက်ကာ အောင်ပွဲခံမှုတွေ ပြုလုပ်သွားခဲ့ပါတယ်။ အိမ်တံခါးကို ချိုးဖျက်လိုက်ခြင်းအပေါ် ဘယ်သူကမှ အဖက်လုပ်ခြင်းမရှိဘဲ မိမိနိုင်ငံရဲ့ အောင်ပွဲအပေါ်မှာသာ အာရုံရောက်နေခဲ့ပါတယ်။
အဆိုပါနိုင်ပွဲကြောင့် ယနေ့ကို အများပြည်သူရုံးပိတ်ရက်အဖြစ် ကြေညာကြောင်း ဆော်ဒီဘုရင် ဆယ်လ်မန်က ကြေညာခဲ့ပါတယ်။