ဘာစီလိုနာအတွက် အနိုင်ဂိုးကို လှလှပပပေါင်းစပ်ကာ သွင်းယူပြသွားတဲ့ ဒီဂျောင်နဲ့ ရာဖင်ဟာ
9:10 AM, 9 November
ယမန်နေ့ည အိုဆာဆူနာနဲ့ ပွဲစဉ်မှာ ရာဖင်ဟာတစ်ယောက် လှပတဲ့ ခေါင်းတိုက်ဂိုးနဲ့အတူ ဘာစီလိုနာအတွက် အနိုင်ဂိုးကို ရယူပေးသွားခဲ့ပါတယ်။
ဘာစီလိုနာအသင်းဟာ ဗယ်လီကာနိုကို ရှုံးသွားတဲ့ ရီးရဲလ်မက်ဒရစ်အသင်းအား အမှတ်ဖြတ်နိုင်ဖို့အတွက် ကြိုးစားလာပေမယ့် ၆မိနစ်မှာတင် အိုဆာဆူနာက ဦးဆောင်ဂိုး သွင်းယူသွားခဲ့ပါတယ်။ ၃၁မိနစ်မှာ တိုက်စစ်မှူး လီဝန်ဒေါစကီး ၂ဝါ၁နီနဲ့ ထုတ်ပယ်ခံလိုက်ရတာကလည်း ဘာစီလိုနာအတွက် ပိုပြီးခက်ခဲသွားစေခဲ့ပါတယ်။
ပထမပိုင်းအပြီးမှာ ဘာစီလိုနာတို့ ၁ယောက်လျော့နေသလို ၁ဂိုးနဲ့ ရှုံးနေသလို ပီကေးကလည်း အရန်ခုံမှာ ထိုင်နေပေမယ့် တိုက်ရိုက်အနီကတ်နဲ့ ထုတ်ပယ်ခံလိုက်ရပါတယ်။ ဒုတိယပိုင်းအစမှာတော့ ပက်ဒရီက ဘာကာအတွက် ချေပဂိုး ပြန်သွင်းပေးခဲ့ပါတယ်။
ဘာစီလိုနာအတွက် အနိုင်ဂိုးရဖို့ လိုအပ်နေစဉ် ခံစစ်မှာ ကစားနေတဲ့ ဒီဂျောင်နဲ့ တိုက်စစ်ကစားသမား ရာဖင်ဟာတို့ရဲ့ မှော်ဆန်တဲ့ ပေါင်းစပ်မှုကနေ ဘာကာတို့ လိုအပ်နေတဲ့ဂိုးကို ရရှိခဲ့ပါတယ်။ ဒီဂျောင်ဟာ ခံစစ်နေရာကနေ တိုက်ရိုက်ကန်တင်ပေးရာမှာ ရာဖင်ဟာက တစ်ဦးတည်းပြေးထွက်လာပြီး ချိန်သားကိုက် နောက်ပြန်ခေါင်းတိုက်ချက်နဲ့ အနိုင်ဂိုးကို သွင်းယူပေးသွားခဲ့ပါတယ်။
အဆိုပါသွင်းဂိုးကြောင့် ဘာစီလိုနာအသင်းဟာ ကြာသပတေးည ကာဒီဇ်နဲ့ ကန်ရမယ့် ရီးရဲလ်ကို ၅မှတ်ဖြတ်သွားနိုင်ခဲ့ပါတယ်။