တနင်္ဂနွေနေ့က နိုင်ပွဲအပြီးမှာ လိဒ်ပရိသတ်တွေကို လှောင်ပြောင်လိုက်တဲ့ အာရွန်ရမ်စ်ဒေးလ်
3:11 PM, 18 October
အာဆင်နယ်ဂိုးသမား ရမ်စ်ဒေးလ်ကတော့ လိဒ်ယူနိုက်တက်ကို ၁-၀ ဂိုးနဲ့ အနိုင်ရရှိခဲ့တဲ့ပွဲအပြီးမှာ လိဒ်ပရိသတ်တွေကို လှောင်ပြောင်လိုက်ပါတယ်။ အာဆင်နယ်ဟာ လိဒ်ယူနိုက်တက်ရဲ့ ဖိအားပေးမှုတွေကြောင့် ခက်ခက်ခဲခဲကစားခဲ့ရပြီး ဆာကာရဲ့ပထမပိုင်းသွင်းဂိုးနဲ့ အနိုင်ရရှိခဲ့တာဖြစ်ပါတယ်။
အဆိုပါပွဲမှာ ရမ်စ်ဒေးလ်တစ်ယောက် ၃ မှတ်ပြည့်ယူနိုင်ဖို့ ကာကွယ်မှုတွေပြုလုပ်နိုင်ခဲ့ပြီး ဟီးရိုးဖြစ်ခဲ့ပါတယ်။ အသက် ၂၄ နှစ်သားဟာ ပထမပိုင်းမှာ အိမ်ကွင်းပရိသတ်တွေရဲ့ သရော်မှုနဲ့ရင်ဆိုင်ခဲ့ရပြီး ပွဲအပြီးမှာ အင်္ဂလန်သားက ပြန်လည်သရော်ခဲ့တာဖြစ်ကာ လိဒ်ပရိသတ်တွေက လက်ခလယ်ထောင်ပြခဲ့ကြတာဖြစ်ပါတယ်။ အင်္ဂလန်သားဟာ ဒီရာသီစွမ်းဆောင်ရည်ကောင်းတွေမပြသနိုင်ခဲ့ပေမယ့် လိဒ်နဲ့ပွဲမှာ ကာကွယ်မှုကောင်းတွေပြုလုပ်ပြီး အရေးပါတဲ့နိုင်ပွဲရရှိအောင် စွမ်းဆောင်ပေးနိုင်ခဲ့ပါတယ်။
“ကျွန်တော်တို့ ခံစစ်ပိုင်းက အကောင်းဆုံး အနေအထားရှိခဲ့သလို ၁-၀ ဂိုးနဲ့ အဝေးကွင်းမှာ အနိုင်ရရှိဖို့ ခက်ခက်ခဲခဲလုပ်ဆောင်ခဲ့ရပါတယ်။ မှန်ပါတယ်။ ကျွန်တော်တို့ တစ်ပတ်ကို ၃ ဂိုးပြတ်အနိုင်ရရှိချင်တာပါ။ ဒါပေမယ့် ဒီနေ့နိုင်ပွဲကလည်း ကျွန်တော်တို့အတွက် အရေးပါပါတယ်။ ကျွန်တော် အကောင်းဆုံး ပစ်ပေးခဲ့ပြီး ဆာကာက ဂိုးရအောင် စွမ်းဆောင်ပေးခဲ့ပါတယ်။ ကျွန်တော်တို့ တချို့နေရာတွေမှာ လိဒ်ကို မယှဉ်နိုင်ခဲ့ပါဘူး။ ဒါပေမယ့် တစ်ပွဲလုံးအနေအထားနဲ့ကြည့်ရင်တော့ ခံစစ်က အကောင်းဆုံးအနေအထားမှာ ရှိခဲ့ပါတယ်”လို့ အင်္ဂလန်သားက ပြောကြားခဲ့ပါတယ်။