စပိန် အိမ်ကွင်းမှာ ရှုံးပြီး ပေါ်တူဂီ ဂိုးပြတ်နိုင်ခဲ့တဲ့ စနေည နေးရှင်းလိဂ်ပွဲစဉ်များ
9:24 AM, 25 September
ယမန်နေ့ညက နေးရှင်းလိဂ်Aပွဲစဉ်တွေမှာ စပိန်က ဆွစ်ဇာလန်ကို အိမ်ကွင်းမှာ ၂-၁ဂိုးနဲ့ ရှုံးခဲ့ပြီး ပေါ်တူဂီက ချက်ကို အဝေးကွင်းမှာ ၄ဂိုးပြတ် နိုင်ခဲ့ပါတယ်။
ပေါ်တူဂီတို့ အဆိုပါ ဂိုးပြတ်နိုင်ပွဲကြောင့် စပိန်ကို ကျော်ဖြတ်ကာ ဇယားထိပ်မှာ ရပ်တည်သွားနိုင်ခဲ့ပါတယ်။
ယူနိုက်တက်ကစားသမား ဒါလော့က ပေါ်တူဂီအတွက် ဦးဆောင်ဂိုးကို ရာဖေး လီယာအိုရဲ့ ပေးပို့မှုကနေ ကန်သွင်းယူခဲ့ပါတယ်။
သိပ်မကြာခင်မှာပဲ ယူနိုက်တက်အသင်းခေါင်းဆောင် ဖာနန်ဒက်စ်က ရူအီရဲ့ ဖြတ်တင်ဘောကနေ ပိတ်သွင်းကာ ပေါ်တူဂီအတွက် ဒုတိယဂိုး ရယူပေးခဲ့ပါတယ်။
ဒုတိယပိုင်းစပြီး သိပ်မကြာခင် ဒါလော့ကပဲ ပေါ်တူဂီအတွက် ဒုတိယဂိုးသွင်းခဲ့ပြီး ပွဲပြီးခါနီးမှာ လူစားဝင်လာတဲ့ ဂျိုတာက စတုတ္ထဂိုးကို ထပ်မံသွင်းပေးခဲ့ပါတယ်။
စပိန်ကတော့ မထင်မှတ်တဲ့ အနေအထားကနေ ဆွစ်ဇာလန်ကို ၂-၁ဂိုးနဲ့ ရှုံးသွားခဲ့ပါတယ်။
ဆွစ်ဇာလန်အတွက် ဦးဆောင်ဂိုးကို မန်စီးတီးခံစစ်မှူးသစ် အကန်ဂျီက ခေါင်းတိုက်သွင်းယူသွားခဲ့ပါတယ်။
စပိန်တို့ ဆွစ်ဇာလန်ခံစစ်ကို ထိုးဖောက်ဖို့ ခက်ခဲခဲ့ပေမယ့် ၅၅မိနစ်မှာ အယ်လ်ဘာက အသင်းလိုက်ကစားပုံကနေ ရရှိလာတဲ့ အခွင့်အရေးကို အကောင်းဆုံး အသုံးချကာ ခြေပဂိုးပြန်သွင်းပေးခဲ့ပါတယ်။
ဒါပေမယ့် ၃မိနစ်အကြာမှာပဲ ထောင့်ကန်ဘောကနေ အကန်ဂျီ ချပေးတာကို အမ်ဘိုလိုက သွင်းယူကာ ဆွစ်ဇာလန်အတွက် အနိုင်ဂိုးကို သွင်းယူသွားခဲ့ပါတယ်။
ယခုရှုံးပွဲကြောင့် စပိန်တို့ လာမယ့် အင်္ဂါညပွဲစဉ်မှာ ပေါ်တူဂီနဲ့ အဆုံးအဖြတ်ပွဲစဉ်အဖြစ် ရင်ဆိုင်ရတော့မှာ ဖြစ်ပါတယ်။
လိဂ်Bပွဲစဉ်ရလဒ်များ
=========
စကော့တလန် ၂-၁ အိုင်ယာလန်
အစ္စရေး ၂-၁ အယ်လ်ဘေးနီးယား
ဆားဘီးယား ၄-၁ ဆွီဒင်
အာမေးနီးယား ဝ-၅ ယူကရိန်း
ဆလိုဗေးနီးယား ၂-၁ နော်ဝေ