ရီဂူလွန်ကို အငှားနဲ့ ခေါ်ယူဖို့ ဆွေးနွေးနေတဲ့ နော်တင်ဟမ်ဖောရက်စ်
1:50 PM, 23 August
သတင်းတွေအရ တန်းတက်နော်တင်ဟမ်ဖောရက်စ် အသင်းဟာ တော့တင်ဟမ် ဘယ်နောက်ခံလူ ရီဂူလွန်ကို အငှားနဲ့ ခေါ်ယူဖို့ ဆွေးနွေးနေတယ်လို့ ဖော်ပြနေကြပါတယ်။
စပိန်သားဟာ လက်ရှိမှာ ဒဏ်ရာရရှိနေပြီး ဆက်ဇနွန်နဲ့ ပါရီဆစ်တို့ရှိနေတဲ့အနေအထားမှာ နေရာရဖို့ ရုန်းကန်ရဖွယ်ရှိနေပါတယ်။ သူ့အနာဂတ်က မသေချာသေးတဲ့အနေအထားမှာ သတင်းတွေအရ ရီဂူလွန်ကို နော်တင်ဟမ်က စိတ်ဝင်စားနေတယ်လို့ ဖော်ပြနေကြပါတယ်။
အခုနွေရာသီအစောပိုင်းတုန်းက အိုမာရစ်ချက်က ဘိုင်ယန်ကိုပြောင်းသွားတဲ့အနေအထားမှာ ဘယ်နောက်ခံလူအဖြစ် တိုဖိုလိုသာ ကျန်တော့တာဖြစ်ပါတယ်။ ဘက်တစ်စတား မိုရီနိုကလည်း ဖောရက်စ်ကို ပြောင်းဖို့ ငြင်းဆန်ခဲ့တာကြောင့် တော့တင်ဟမ်စတား ရီဂူလွန်ကို ပစ်မှတ်ထားလာခဲ့တာဖြစ်ပါတယ်။
ရီဂူလွန်ကို ဝက်စ်ဟမ်းအသင်းက စိတ်ဝင်စားနေပြီး ချဲလ်ဆီးစတား အီမာဆင်နဲ့လည်း ဆွေးနွေးနေပါတယ်။ ဖောရက်စ်ဟာ အခုနွေရာသီမှာ ကစားသမား ၁၆ ဦးလောက် ခေါ်ယူထားခဲ့ပေမယ့် နောက်ထပ်ခေါ်ယူဖို့ ပြင်ဆင်နေဆဲဖြစ်ပါတယ်။ သတင်းတွေအရ နော်တင်ဟမ်ဟာ နောက်ထပ်ကစားသမား၂ ဦးလောက် ထပ်မံခေါ်ယူဦးမယ်လို့ ဖော်ပြနေကြပါတယ်။
တန်းတက်လာပြီးနောက် ခြေစွမ်းကောင်းတွေ ဆက်တိုက်ပြသနေပြီး ဝက်စ်ဟမ်းကို အနိုင် ၊ အဲဗာတန်ကို သရေကျထားကာ အဆင့် ၁၀ နေရာမှာ ရပ်တည်နေပါတယ်။