အောင်မြင်မှုတွေ ထပ်ရဖို့ ဆာလောင်နေတယ်လို့ ကြွေးကြော်လိုက်တဲ့ မာရက်ဇ်
3:58 PM, 16 July
ပရီးမီးယားလိဂ်လက်ရှိချန်ပီယံ မန်စီးတီးနဲ့စာချုပ်သက်တမ်းတိုးခဲ့တဲ့ တောင်ပံတိုက်စစ်ကစားသမား မာရက်ဇ်က "အောင်မြင်မှုတွေ ထပ်ရဖို့ ဆာလောင်နေတယ်"လို့ ကြွေးကြော်ပြောဆိုလိုက်ပါတယ်။ လက်စတာကနေ မန်စီးတီးဆီ ပြောင်းရွှေ့ကြေးပေါင်သန်း ၆၀ နဲ့ ပြောင်းရွှေ့လာတဲ့ အယ်လ်ဂျီးရီးယား လက်ရွေးစင်က စီးတီးနဲ့အတူ ဘောလုံးရာသီလေးခု ဖြတ်သန်းခဲ့အပြီးမှာ ၂၀၂၅ ခုနှစ်အထိ သက်တမ်းရှိမယ့် စာချုပ်သစ်ကို လက်မှတ်ရေးထိုးခဲ့တာပါ။
မာရက်ဇ်က စီးတီးအတွက် ၁၈၉ ပွဲ ပါဝင်ကစားပေးခဲ့ပြီး ၆၃ ဂိုးသွင်း၊ ဂိုးဖန်တီးမှု ၄၅ ကြိမ်အထိ စွမ်းဆောင်ပေးထားသလို အသင်းနဲ့အတူ အဓိကဆုဖလား ၇ လုံးအထိ ရရှိထားပါတယ်။
၂၀၁၆ ခုနှစ်မှာ လက်စတာစီးတီးနဲ့အတူ ပရီးမီးယားလိဂ်ချန်ပီယံအဖြစ် အောင်ပွဲခံနိုင်ခဲ့တဲ့ အသက်-၃၁ နှစ်အရွယ်ကစားသမားက ပက်ဂွါဒီယိုလာရဲ့အသင်းနဲ့အတူ နောက်ထပ်ဆုဖလားအောင်မြင်မှုတွေ သိမ်းပိုက်ဖို့ စိတ်အားထက်သန်နေပါတယ်။