အီကွေဒေါ၊ ဥရုဂွေးတို့ ခြေစစ်ပွဲအောင်ခဲ့ပြီး ပီရူး၊ ကိုလံဘီယာ၊ ချီလီတို့ ဆက်လက်ရုန်းကန်ရမယ့် ကမ္ဘာ့ဖလားခြေစစ်ပွဲ(တောင်အမေရိကဇုန်) ပွဲပြီးသုံသပ်ချက်
9:39 AM, 25 March
ဘရာဇီးအသင်းဟာ ကမ္ဘာ့ဖလားခြေစစ်ပွဲ(တောင်အမေရိကဇုန်) ပွဲစဉ်မှာ ချီလီကို သက်သောင့်သက်သာ ဂိုးပြတ် အနိုင်ယူကာ ဇယားထိပ်မှာ ဆက်လက်ဦးဆောင်နေခဲ့ပါတယ်။ ဘရာဇီးအသင်းဟာ ပထမပိုင်းအစကတည်းက ပွဲကိုထိန်းချုပ် ကစားခဲ့ပေမဲ့ ချီလီခံစစ်ကို ထိုးဖောက်နိုင်ဖို့ ရုန်းကန်ခဲ့ရပြီး ၄၄မိနစ်ရောက်မှ နေမာရဲ့ ပင်နယ်တီနဲ့အတူ ဦးဆောင်ဂိုး စရခဲ့ပါတယ်။
သိပ်မကြာခင်မှာပဲ ဗင်နီစီးယပ်စ်က အန်တိုနီရဲ့ ချပေးမှုကနေ ဘရာဇီး အတွက် ဒုတိယဂိုးကို သွင်းယူနိုင်ခဲ့လို့ ပထမပိုင်း အပြီးမှာ ၂ဂိုးပြတ် ဦးဆောင်နိုင်ခဲ့ပါတယ်။ ဒုတိယပိုင်းအစမှာ ဗီဒယ်က ချီလီအတွက် ချေပဂိုး၁ဂိုး ပြန်သွင်းခဲ့ပေမဲ့ VAR အကြာကြီးကြည့်ပြီးတဲ့နောက် လူကျွံနေတယ်ဆိုပြီး ဂိုးကို ပြန်လည်ပယ်ဖျက်သွားခဲ့ပါတယ်။
၇၂မိနစ်မှာ ချီလီဂိုးသမား ဘရာဗို အန်တိုနီကို ဧရိယာထဲ လူချကစားတယ်ဆိုပြီး ဘရာဇီးတို့ ပင်နယ်တီရခဲ့ကာ ကော်တင်ဟိုက အမှားအယွင်းမရှိ ကန်သွင်းကာ ဒုတိယဂိုး ရယူခဲ့ပါတယ်။ ပွဲပြီးခါနီးမှာတော့ လူစားဝင်လာတဲ့ ရစ်ချာလီဆင်က ဂိုးထပ်သွင်းလို့ ဘရာဇီးတို့ စတုတ္ထဂိုး ရခဲ့ပြီး ပွဲအပြီးမှာ ဂိုးပြတ်နိုင်ပွဲ ရခဲ့ပါတယ်။
တစ်ဖက်မှာ အီကွေဒေါတို့ ပါရာဂွေးကို ဂိုးပြတ်ရှုံးခဲ့ပေမဲ့ နောက်ပွဲမှာ ပီရူးက ဥရုဂွေးကို ရှုံးသွားတာကြောင့် ကမ္ဘာ့ဖလားဝင်ခွင့်ရသွားခဲ့သလို နိုင်ပွဲရခဲ့တဲ့ ဥရုဂွေးကလည်း တိုက်ရိုက်ခြေစစ်ပွဲအောင်ခဲ့ပါတယ်။ ဒါကြောင့် ပီရူး၊ ကိုလံဘီယာ၊ ချီလီတို့ဟာ ပလေးအော့ဖ်ကစားခွင့်ရမယ့် အဆင့်၅နေရာအတွက် လက်ကျန်ပွဲစဉ်တွေမှာ ရုန်းကန်ရတော့မှာ ဖြစ်ပါတယ်။