နောက်ကျ အနိုင်ဂိုးကြောင့် စီးရီးအေ အမှတ်ပေးဇယားထိပ်ဆုံးကို ရောက်လာတဲ့ နာပိုလီ
8:28 AM, 28 February
နာပိုလီအသင်းဟာ ဖေဘီယန်ရုဇ်ရဲ့ နောက်ကျအနိုင်ဂိုးနဲ့အတူ လာဇီယိုကို အဝေးကွင်းမှာ အနိုင်ယူပြီး စီးရီးအေ အမှတ်ပေးဇယားထိပ်ပိုင်းကို တက်ရောက်နိုင်ခဲ့ပါတယ်။ အင်ဆစ်ဂနီက ဧည့်သည်အတွက် ဦးဆောင်ဂိုး သွင်းယူပေးနိုင်ခဲ့ပြီး ပထမပိုင်းမှာတော့ ဂိုးမရှိ သရေရလဒ် ထွက်ပေါ်ခဲ့တာဖြစ်ပါတယ်။
အခြားတစ်ဖက်မှာ ပြိုင်ဘက်တွေဖြစ်တဲ့ အေစီမီလန်နဲ့ အင်တာမီလန်တို့က သောကြာနေ့မှာ အသီးသီးသရေကျခဲ့တာဖြစ်ပါတယ်။ အေစီမီလန်နဲ့ head-to-head အနေအထားမှာ လာဇီယိုက အသာရထားတာကြောင့် အမှတ်ပေးဇယားထိပ်ပိုင်းကို တက်ရောက်နိုင်ခဲ့ပါတယ်။
အင်တာက လာဇီယိုနဲ့ ၂ မှတ် အကွာအနေအထားကို ရောက်နေပေမယ့် လက်ထဲမှာ ၁ ပွဲ ကျန်ရှိနေတာဖြစ်ပါတယ်။ နာပိုလီဟာ မာရာဒိုနာရှိစဉ်တုန်းက စီးရီးအေ ဆုဖလား ၂ ကြိမ်ရရှိထားပြီး ၁၉၈၇ နဲ့ ၁၉၉၀ မှာရရှိခဲ့တာဖြစ်ပါတယ်။
ရိုးမားကတော့ အေဘရာဟမ်ရဲ့ ၉၈ မိနစ် သွင်းဂိုးနဲ့ စပီဇီယာကို အနိုင်ရရှိခဲ့ပါတယ်။ အင်္ဂလန်သားက စီးရီးအေမှာ ၁၂ ဂိုးအထိ သွင်းယူထားနိုင်ခဲ့ပြီး တိုရီနိုစတား ဟစ်ချန်ပြီးနောက် စီးရီးအေမှာ ဂိုးအများဆုံး သွင်းတဲ့ အင်္ဂလန်လိပ်ကစားသမားဖြစ်လာခဲ့ပါတယ်။