ယူနိုက်တက်စတား လင်ဂတ်ကို အငှားနဲ့ ခေါ်ယူဖို့ စိတ်ဝင်စားလာတဲ့ နယူးကာဆယ်
10:11 AM, 20 January
သတင်းတွေအရ နယူးကာဆယ်အသင်းဟာ ယူနိုက်တက်စတား လင်ဂတ်ကို အငှားခေါ်ယူဖို့ အလိုရှိနေပြီး ယူနိုက်တက်ရဲ့တုံ့ပြန်မှုနဲ့ ရင်ဆိုင်ရဖွယ်ရှိနေပါတယ်။ ယူနိုက်တက်ဟာ နွေရာသီမှာစာချုပ်သက်တမ်း ကုန်ဆုံးမယ့် လင်ဂတ်ကို အသင်းမှာ ဆက်ထိန်းချင်နေပါတယ်။
လင်ဂတ်ကတော့ အငှားထက် အပြီးသတ်ပြောင်းရွှေ့ချင်နေပြီး နယူးကာဆယ်ကလည်း အထူးတလည် စိတ်ဝင်စားနေပါတယ်။ ဒါပေမယ့် သတင်းတွေအရ ယူနိုက်တက်ဟာ ကိုဗစ်အခြေအနေကြောင့် အသင်းရဲ့ကစားသမားစာရင်း ခက်ခဲမှာကို စိုးရိမ်နေတယ်လို့ ဖော်ပြခဲ့ပါတယ်။
လင်ဂတ်ဟာ ပြီးခဲ့တဲ့ရာသီတုန်းက ဝက်စ်ဟမ်းအသင်းမှာ စွမ်းဆောင်ရည်ကောင်းတွေ ပြသနိုင်ခဲ့တာဖြစ်ပါတယ်။ အင်္ဂလန်သားကို တော့တင်ဟမ်အပြင် အခြားပြည်ပကလပ်တွေကလည်း စိတ်ဝင်စားနေကြပါတယ်။ ဒါပေမယ့် နယူးကာဆယ်က လင်ဂတ်ကို ခေါ်ယူနိုင်ဖို့ တစ်ပြေးနေတာဖြစ်ပါတယ်။
အဆိုပါအခြေအနေဟာ လင်ဂတ်အတွက် လစာကိစ္စအပြင် အင်္ဂလန်အသင်းနဲ့အတူ ကမ္ဘာ့ဖလားပြိုင်ပွဲမှာ ပါဝင်နိုင်ဖို့လည်း အခွင့်အရေးပိုကောင်းလာနိုင်ပါတယ်။ ဟိုဝီရဲ့ နယူးကာဆယ် အသင်းဟာ အခုအပတ် လိဒ်ယူနိုက်တက်နဲ့ပွဲမတိုင်ခင် ဆော်ဒီကို သွားဖွယ်ရှိနေပါတယ်။