ဘိုဝင်နဲ့ ရာဖင်ဟာတို့ကို စိတ်ဝင်စားနေဆဲဖြစ်တဲ့ လီဗာပူး
11:23 AM, 27 December
သတင်းတွေအရ လီဗာပူးအသင်းဟာ ဝက်စ်ဟမ်းစတား ဘိုဝင်နဲ့ လိဒ်စတား ရာဖင်ဟာတို့ကို ခေါ်ယယူဖို့ စိတ်ဝင်စားနေဆဲဖြစ်တယ်လို့ သိရပါတယ်။ အဆိုပါကစားသမား ၂ ဦးဟာ သက်ဆိုင်ရာအသင်းတွေမှာ ခြေစွမ်းကောင်းတွေပြသနေပြီး လီဗာပူးရဲ့ ချိတ်ဆက်ခြင်းခံနေရတာဖြစ်ပါတယ်။
ကလော့ပ်ရဲ့လီဗာပူးအသင်းဟာ တိုက်စစ်ပိုင်းအတွက် အားဖြည့်ချင်နေတာဖြစ်ကာ ဆာလက် ၊ ဖာမီနိုနဲ့ မာနေးတို့ဟာ စာချုပ်သက်တမ်း ၁၈ လသာကျန်တော့တာဖြစ်ပါတယ်။ ဆာလက် နဲ့ မာနေးတို့ကို အာဖရိကဖလားပြိုင်ပွဲကြောင့် လက်လွှတ်ရဖွယ်ရှိနေကာ ဇန်နဝါရီမှာ အားဖြည့်ဖို့ ကြိုးပမ်းဖွယ်ရှိနေပါတယ်။
လီဗာပူးအခြေစိုက်သတင်းဌာန Echo က လီဗာပူး အသင်းဟာ ပစ်မှတ်ကစားသမားတွေကိုခေါ်ယူဖို့ ပြင်ဆင်နေတယ်လို့ ဖော်ခဲ့ပါတယ်။ အဆိုပါကစားသမား ၂ ဦးဟာ ဘိုဝင်နဲ့ ရာဖင်ဟာတို့ဖြစ်နိုင်တယ်လို့ သတင်းတွေက ထပ်လောင်းဖော်ပြခဲ့ပါတယ်။ ဘိုဝင် နဲ့ ရာဖင်ဟာတို့ဟာ အခုရာသီကို သက်ဆိုင်ရာအသင်းတွေထံမှာ ဆက်ရှိနိုင်တာဖြစ်ပါတယ်။ ရာဖင်ဟာကို ဘိုင်ယန်အသင်းကလည်း ချိတ်ဆက်နေတယ်လို့ သိရပါတယ်။
ဘိုင်ယန်ဟာ ဘရာဇီးသားကို ပေါင်သန်း ၅၀ လောက်ပေးချေဖို့လည်း အသင့်ရှိနေပါတယ်။ ရာဖင်ဟာကတော့ ဘီယဲလ်ဆာရဲ့လက်အောက်မှာ ခြေစွမ်းကောင်းတွေ ဆက်လက်ပြသနေတာဖြစ်ပါတယ်။