ပွဲကစားချိန်အတွင်း သေဆုံးခဲ့တဲ့ အယ်လ်ဂျီးရီးယား ဘောလုံးသမား ဆိုဖီယာနီလိုကာ
2:11 PM, 26 December
အယ်လ်ဂျီးရီးယား ဘောလုံးသမား ဆိုဖီယာနီလိုကာဟာ အဆင့်နိမ့်တန်းလိဂ်မှာ ကစားရင်း ဦးခေါင်းဒဏ်ရာကြောင့် စနေနေ့က သေဆုံးခဲ့တယ်လို့ ရပါတယ်။ အယ်လ်ဂျီးရီးယားသတင်းဌာနကတော့ လိုကာတစ်ယောက် ဘောလုံးယှဉ်လုပြီးနောက် မြေပြင်နဲ့ခေါင်းနဲ့ တိုက်မိခဲ့တာကြောင့် ဦးခေါင်းဒဏ်ရာ ရရှိခဲ့တယ်လို့ ဖော်ပြခဲ့ပါတယ်။
ပထမပိုင်းမှာ အဆိုပါဒဏ်ရာ ရရှိခဲ့တာကြောင့် ဆေးကုသမှုခံယူပြီး ကွင်းထဲပြန်လာခဲ့ပေမယ့် မိနစ် အနည်းငယ်အကြာမှာပဲ လဲကျခဲ့တာဖြစ်ပါတယ်။ သတင်းတွေအရ အသက် ၃၀ အရွယ်ကစားသမားဟာ အဆိုပါဒဏ်ရာနဲ့ပဲ ကွယ်လွန်ခဲ့တယ်လို့ သိရပါတယ်။
လိုကာရဲ့တစ်နိုင်ငံတည်းသား အန်ဒီဒီလော့တ်ကတော့ လိုကာတစ်ယောက် ကွယ်လွန်ခဲ့တဲ့အတွက် မိသားစု ၊ ဆိုင်ဒါအသင်းဖော်တွေနဲ့အတူ ထပ်တူဝမ်းနည်းကြောင်း တွစ်တာကနေ ပြောကြားခဲ့ပါတယ်။