ဆာအိုပေါ်လိုအသင်းထံ ရောက်သွားတဲ့ ဘိုင်ယန်မြူးနစ်နောက်ခံလူဟောင်း ရာဖင်ဟာ
12:13 PM, 26 December
ဘိုင်ယန်မြူးနစ်အသင်းရဲ့ ညာနောက်ခံလူဟောင်း ရာဖင်ဟာသည် အလွတ်ပြောင်းရွှေ့ကြေးဖြင့် ဆာအိုပေါ်လိုအသင်းထံ ရောက်ရှိသွားခဲ့တယ်လို့သိရပါတယ်။ အသက်၃၆နှစ်အရွယ် ကစားသမားဟာ နောက်ထပ် တစ်နှစ်သက်တမ်းတိုး အပါအဝင် ၂၀၂၂ ဒီဇင်ဘာလအထိ ဘရာဇီးကလပ်နဲ့စာချုပ်ချုပ်ခဲ့ပါတယ်။ ၎င်းဟာ ဂရီမီယိုမှာ ၉လအကြာ ကစားပြီး ထွက်လာခဲ့တာပါ။ သူ့အနေနဲ့ အဲဒီမတိုင်ခင်၂၀၂၁တွင် အိုလံပီယာကို့စ်အသင်းမှာ ကစားခဲ့တာ ဖြစ်ပါတယ်။
ဆာအိုပေါ်လိုအသင်းဟာ ၂၀၁၉ နွေရာသီကာလက ဘိုင်ယန်မြူးနစ်ကနေ ထွက်ခွာလာပြီးနောက်ပိုင်း ရာဖင်ဟာအတွက် ၄သင်းမြောက် ဖြစ်ပါတယ်။ သူဟာ ဖလာမင်ဂို၊ အိုလံပီယာကို့စ်၊ ဂရီမီယို အသင်းတွေမှာ ကစားခဲ့ပါတယ်။
“ဆာအိုပေါ်လိုအတွက် ကစားရတာလောက် ပိုကောင်းတဲ့ စိတ်ဓာတ်လှုံဆော်မှု မရှိပါဘူး။အသင်းဟာ ဆုဖလားများစွာနဲ့သမိုင်းကြောင်းရှိပါတယ်။ ဒီလိုအသင်းရှပ်အကျီကို ဝတ်ဆင်ဖို့ က ဂုဏ်ယူစရာပါ အခုဆို ကလပ်ရဲ့ ကစားသမားတစ်ဦး ဖြစ်လာတဲ့အတွက် ကြိုတင်ပြင်ဆင်မှု လုပ်ထားပါတယ်”ဟု ပြောကြားသွားခဲ့ပါတယ်။
ဘိုင်ယန်အသင်းမှာ ဆုဖလား ၁၈လုံးအထိ ရာဖင်ဟာ ရယူခဲ့ပြီး ဘရာဇီးနဲ့ဂရိတွေမှာလည်း ဆုဖလား ၁၁လုံး ရထားပြီး ဖြစ်ပါတယ်။