ဟက်ထရစ်သွင်းယူခဲ့ပေမယ့်လည်း အာဆင်နယ်ကနေ ထွက်ခွာဖို့ ပြင်ဆင်နေဆဲဖြစ်တဲ့ အန်ကီတီယာ
8:58 AM, 23 December
ဆန်းဒါးလန်းအသင်းနဲ့ ကာရာဘောင်ဖလားပွဲမှာ ဟက်ထရစ်သွင်းယူပေးနိုင်ခဲ့ပေမယ့်လည်း အန်ကီတီယာဟာ အာဆင်နယ်ကနေထွက်ခွာဖို့ ပြင်ဆင်နေဆဲလို့ သိရပါတယ်။ အန်ကီတီယာဟာ ကာရာဘောင်ဖလား ကွာတားဖိုင်နယ်ပွဲမှာ ဟက်ထရစ် သွင်းယူပေးနိုင်ခဲ့ကာ နွေရာသီမှာ စာချုပ်သက်တမ်းကုန်ဆုံးမှာဖြစ်ပါတယ်။
အာဆင်နယ်ဘက်က အသက် ၂၂ နှစ်သားကို စာချုပ်သစ် ချုပ်ဆိုဖို့ ပြင်ဆင်နေပေမယ့် ကစားသမားက ပုံမှန်ပွဲထွက်ခွင့်လိုချင်နေပါတယ်။ အန်ကီတီယာကို ဂျာမန် နဲ့ ပြင်သစ်ကလပ်တွေက စိတ်ဝင်စားနေပြီး ဇန်နဝါရီ ၁ ရက်နေ့မှာ အကြိုသဘောတူညီမှုရယူနိုင်တာဖြစ်ပါတယ်။ အင်္ဂလန်သားကို ဝက်စ်ဟမ်း ၊ ပဲလေ့စ် နဲ့ ဘရိုက်တန်တို့ကလည်း စိတ်ဝင်စားနေပါတယ်။
"အကောင်းဆုံးလုပ်နိုင်တာကို ကြိုးစားနေပါတယ်။ စာချုပ်သက်တမ်းက မကြာခင်မှာ ကုန်ဆုံးတော့မှာပါ။ အက်ဒီကိစ္စကို ဆွေးနွေးနေတာကြာပါပြီ။ သူက ကျွန်တော်ဆက်ထိန်းချင်တဲ့ ကစားသမားမျိုးပါ။ အသင်းရဲ့စီမံကိန်းထဲမှာလည်း သူပါပါတယ်"လို့ အာတီတာက ပြောကြားခဲ့ပါတယ်။
အာဆင်နယ်ဟာ ပါတီနိုကို ကာလရှည်စာချုပ်သစ်ချုပ်ဆိုဖိ့ု မဆွေးနွေးရသေးတာဖြစ်ပါတယ်။ ပါတီနိုကို ဘာစီလိုနာအသင်းက ကင်းထောက်နေတယ်လို့ သိရပါတယ်။ ပါတီနိုအနေနဲ့ အာဆင်နယ်အသင်းမှာ ကစားခွင့်ပိုရလာမယ်ဆိုရင် အာတီတာအတွက် အာဖရိကဖလား အခြေအနေက ကာကွယ်နိုင်မှာဖြစ်ပါတယ်။