အန်ကီတီယာရဲ့ ပထမဆုံး ဟက်ထရစ်နဲ့အတူ ဆန်းဒါးလန်းကို ဂိုးပြတ်နိုင်ကာ ဆီမီးတက်ခဲ့တဲ့ အာဆင်နယ်
7:10 AM, 22 December
အာဆင်နယ်အသင်းဟာ
ယမန်နေ့ညက လိဂ်ဝမ်းကလပ် ဆန်ဒါးလန်းကို ၅-၁ဂိုးနဲ့ အနိုင်ယူကာ ကာရာဘောင်ဖလား ဆီမီးဖိုင်နယ်ကို
တက်ရောက်သွားခဲ့ပါတယ်။
ပွဲချိန်
၁၇မိနစ်မှာတင် အန်ကီတီယာရဲ့ အနီးကပ် ပိတ်သွင်းမှုကနေ အာဆင်နယ်တို့ ဦးဆောင်ဂိုးရခဲ့ပြီး
၁၀မိနစ်အကြာမှာ ပီပီက ဒုတိယဂိုး သွင်းယူခဲ့ပါတယ်။
ယမန်နေ့ညပွဲစဉ်အတွင်း
အာဆင်နယ်ခံစစ်ကို ခြိမ်းခြောက်မှုအချို့ ပြုလုပ်နိုင်ခဲ့တဲ့ ဆန်းဒါးလန်းတို့ မိနစ်၃၀မှာ
အဲဗာတန်ကနေ အငှားခေါ်ထားတဲ့ ဘရော့ဟတ်ရဲ့ ဂိုးကြောင့် ချေပဂိုး ပြန်ရခဲ့ပါတယ်။
ဒုတိယပိုင်းပြန်စပြီး
၁၅မိနစ်အကြာမှာတော့ တာဗာရက်စ်ရဲ့ ဖြတ်တင်ဘောကနေ အန်ကီတီယာက ပိတ်သွင်းကာ အာဆင်နယ်ကို
၃-၁ဂိုးနဲ့ ဦးဆောင်စေခဲ့ပါတယ်။
မိနစ်၆၀မတိုင်ခင်
အန်ကီတီယာဟာ ကစားသမားဘ၀ ပထမဆုံးဟက်ထရစ်အဖြစ် နောက်ပေါက်နဲ့ သွင်းဂိုး သွင်းယူသွားခဲ့ပါတယ်။
အာဆင်နယ်အတွက်
နောက်ထပ် ပျော်ရွှင်စရာကတော့ လူစားဝင်လာတဲ့ လူငယ်လေး ပါတီနိုလည်း ပွဲဦးထွက်မှာတင် ပထမဆုံး
သွင်းဂိုးသွင်းယူပေးသွားနိုင်ခဲ့တာ ဖြစ်ကာ ဆီမီးဖိုင်နယ်ကို ပို့ဆောင်ပေးခဲ့ပါတယ်။