ဒင်းစမစ်နေရာမှာ ရှက်တာဒိုးနက် နည်းပြဟောင်း နည်းပြဟောင်း ဖွန်ဆီကာနဲ့ အစားထိုးဖို့ ဗီလာ အသင်းပြင်ဆင်နေ
9:17 AM, 2 November
သတင်းတွေအရ အက်စ်တွန်ဗီလာအသင်းဟာ နည်းပြဒင်းစမစ်နေရာမှာ ရိုးမားနဲ့ ရှက်တာဒိုးနက်နည်းပြဟောင်း ဖွန်ဆီကာနဲ့ အစားထိုးဖို့ ပြင်ဆင်နေတယ်လို့ သိရပါတယ်။ စပေါ့တ်မေးလ်သတင်းဌာနကတော့ ဗီလာဟာ ပေါ်တူဂီသားနည်းပြဖြစ်သူရဲ့ ကိုယ်စားလှယ်တွေနဲ့ ကနဦးဆွေးနွေးဖို့ ပြင်ဆင်နေတယ်လို့ ဖော်ပြခဲ့ပါတယ်။
ပြီးခဲ့တဲ့အပတ်တုန်းက ဗီလာအသင်းအမှုဆောင် ခရစ္စတီယန်ပါလိုနဲ့ အသင်းတာဝန်ရှိသူတွေဟာ ဆွေးနွေးမှုတွေပြုလုပ်ခဲ့ကြပြီး လက်ရှိနည်းပြကို ဆက်ထားဖို့ အကြိတ်အနယ်ဆွေးနွေးခဲ့ကြတယ်လို့ သိရပါတယ်။ ဒါပေမယ့် အတွင်းသတင်းအချို့ကတော့ ဗီလာအသင်းတာဝန်ရှိသူတွေကြား ဖွန်ဆီကာ နဲ့ စမစ်ကို ဆက်ထားရေး ဒါမှမဟုတ် ခန့်အပ်ဖို့ နားလည်မှုလွဲနေတယ်လို့ သိရပါတယ်။
ဗီလာအသင်းဟာ တနင်္ဂနွေနေ့တုန်းက အိမ်ကွင်းမှာ ဝက်စ်ဟမ်းကိုအရေးနိမ့်ပြီးနောက် တန်းဆင်းဇုန်နဲ့ ၃ မှတ်အကွာ အဆင့် ၁၅ နေရာမှာ ရပ်တည်နေပါတယ်။ ပရိသတ်တွေကလည်း လက်ရှိနည်းပြ ဒင်းစမစ်ကို ထုတ်ပယ်ပြီး နည်းပြသစ်ခန့်အပ်လိုနေကြကာ နိုင်ငံတကာရက်သတ္တပတ်မတိုင်ခင် သောကြာနေ့မှာ ဆောက်သမ်တန်နဲ့ရင်ဆိုင်ရမှာဖြစ်ပါတယ်။
ဖွန်ဆီကာကို ၂၀၁၈ အောက်တိုဘာလတုန်းက ဗီလာအသင်းက ချိတ်ဆက်ခဲ့သေးတာဖြစ်ပေမယ့် ဒင်းစမစ်ကိုသာ ခန့်အပ်ခဲ့ပါတယ်။ အသက် ၄၈ နှစ်သားကို နွေရာသီတုန်းက တော့တင်ဟမ်အသင်းက ချိတ်ဆက်ခဲ့သေးတာဖြစ်ပါတယ်။ နယူးကာဆယ်အသင်းကလည်း နည်းပြသစ်အပြောင်းအလဲလုပ်ချင်နေပြီး ဘရိုက်တန်နဲ့ ပွဲမတိုင်ခင် နည်းပြသစ်ခန့်အပ်လိုနေပါတယ်။