အာဆင်နယ်အသင်းနဲ့ပွဲမှာ ဗာဒီတစ်ယောက်ပြန်လည်ပါဝင်မယ်လို့ ရော်ဂျာအတည်ပြု
1:43 PM, 29 October
လက်စတာအသင်းနည်းပြ ဘရန်ဒန်ရော်ဂျာက ဗာဒီဟာ စနေနေ့မှာကစားမယ့် အာဆင်နယ်အသင်းနဲ့ပွဲမှာ ပါဝင်လာမယ်လို့ အတည်ပြုပြောကြားလိုက်ပါတယ်။ အင်္ဂလန်သားတိုက်စစ်မှူးဟာ ဘရန့်ဖို့ဒ်ကို အနိုင်ရရှိခဲ့တဲ့ပွဲမှာ ဒူးဒဏ်ရာအနည်းငယ်ရရှိခဲ့တာဖြစ်ကာ ပထမပိုင်းအပြီးမှာ လူစားလဲခဲ့ရပါတယ်။
ဒါပေမယ့် ရော်ဂျာက ဗာဒီတစ်ယောက် အာဆင်နယ်အသင်းနဲ့ပွဲမှာ ပြန်လာနိုင်မယ်လို့ ယုံကြည်နေပါတယ်။ “ဂျေမီက အဆင်ပြေပါတယ်။ သူဗုဒ္ဓဟူးနေ့တုန်းက အသင်းနဲ့အတူ လေ့ကျင့်ခန်းဆင်ပါတယ်။ အာလုံးလည်း အဆင်ပြေပါတယ်။ ဗာဒီတစ်ယောက် ပါဝင်နိုင်မှာပါ”လို့ ရော်ဂျာက ဘရိုက်တန်နဲ့ ကာရာဘောင်ဖလားပွဲအပြီးမှာ အတည်ပြုခဲ့ပါတယ်။
အာဆင်နယ်ဟာ ပြီးခဲ့တဲ့ပရီးမီးယားလိဂ်ပွဲတုန်းက ဗီလာအသင်းကို အိမ်ကွင်းမှာ ၃-၁ ဂိုးနဲ့ အနိုင်ရရှိခဲ့ပါတယ်။ လက်စတာကတော့ ပြီးခဲ့တဲ့ပွဲတုန်းက ဘရန့်ဖို့ဒ်ကို အနိုင်ရရှိထားခဲ့ပါတယ်။ စနေနေ့မှာတော့ လက်စတာဟာ အိမ်ကွင်းမှာ အာဆင်နယ်ကို ဧည့်ခံရမှာဖြစ်ပါတယ်။