လီဗာပူးက ရာဖင်ဟာကို စိတ်ဝင်စားနေကြောင်း အေးဂျင့်ဖြစ်သူ အတည်ပြု
2:23 PM, 15 October
ရာဖင်ဟာရဲ့ အေးဂျင့်က လီဗာပူးအသင်းဟာ လိဒ်စ်ယူနိုက်တက် တောင်ပံကစားသမားကို စိတ်ဝင်စားနေကြောင်း ဖွင့်ဟခဲ့ပါတယ်။ ဘရာဇီးအသင်းမှာ ရွေးချယ်ခံခဲ့ရပြီး ယနေ့ ၂ဂိုးသွင်းနိုင်ခဲ့တဲ့ ရာဖင်ဟာ ဟာ လိဒ်စ်အတွက် ပြိုင်ပွဲစုံ ၃၈ပွဲမှာ ၉ဂိုးသွင်း၊ ၉ဂိုး ဖန်တီးထားခဲ့ပါတယ်။
လီဗာပူးနဲ့ ယူနိုက်တက်အသင်းတွေဟာ နွေရာသီအတွင်း ဘရာဇီးသားကို ခေါ်ယူနိုင်ဖို့ ချိတ်ဆက်ခဲ့ပြီး အေးဂျင့်ဖြစ်သူ ဘရာဇီးကစားသမားဟောင်း ဒေကိုက ကလော့ပ်ရဲ့ အသင်းဟာ သူ့ကစားသမားကို ခေါ်ယူဖို့ စိတ်ဝင်စားနေကြောင်း ဖွင့်ဟခဲ့ပါတယ်။ ဒေကိုက “သူ့ကို စိတ်ဝင်စားနေတဲ့ အသင်းအများအပြား ရှိနေပါတယ်။ လီဗာပူးလည်း သူ့ခြေစွမ်းကို ကြိုက်နေပြီး ချဉ်းကပ်မှုတွေ ရှိနေပေမဲ့ တရားဝင်တော့ မဟုတ်ပါဘူး။ လိဒ်စ်က သူ့ကို နောက်၁ရာသီ ဆက်ထိန်းချင်ခဲ့ပါတယ်”
“ရာဖင်ဟာက လိဒ်စ်မှာ ပျော်နေပေမဲ့ အချိန်ရောက်လာရင်တော့ သူအဆင့်မြင်မြင့်မှာ ကစားချင်လာမှာပါ။ သူ အသင်းနဲ့ စာချုပ်သက်တမ်း ၃နှစ် ကျန်သေးပေမဲ့ ပြီးခဲ့တဲ့ အပြောင်းအရွှေ့ထိတော့ ဘာမှ မဖြစ်သေးပါဘူး”
“လိဒ်စ်ကလည်း အခြားအသင်းတွေက စိတ်ဝင်စားနေတာကို သိပြီး စျေးကြီးကြီးနဲ့ ရောင်းချင်နေချိန် ရာဖင်ဟာက သူ့ကစားသမားဘ၀ကို တိုးတက်အောင် လုပ်ပါလိမ့်မယ်။ သူက အဆင့်မြင့်မြင့်မှာ ကစားဖို့ ရည်မှန်းချက်ရှိပြီး လိဒ်စ်က ပရီးမီးယားလိဂ်မှာ ဖြစ်ပေမဲ့ အချိန်ကျလာရင် အဲ့ဒါက သူ ကစားရမယ့်နေရာ မဟုတ်ဘူးဆိုတာ သိပါလိမ့်မယ်။ ပုံမှန်အတိုင်း အခြေအနေတွေက ဖြစ်လာပါလိမ့်မယ်”လို့ ဆိုခဲ့ပါတယ်။
ရာဖင်ဟာဟာ ယခုနှစ်ရာသီအတွင်း လိဒ်စ် ရုန်းကန်နေရပေမဲ့ ခြေစွမ်းပြသနေခဲ့ကာ ပရီးမီးယားလိဂ် ၇ပွဲမှာ ၃ဂိုးသွင်းထားပါတယ်။