နယူးကာဆယ် အသင်းရဲ့ ချဉ်းကပ်လာမှုကို ပယ်ချဖို့ စဉ်းစားထားတဲ့ ဘရန်ဒန်ရော်ဂျာ
9:28 AM, 14 October
သတင်းတွေအရ လက်စတာအသင်းနည်းပြ ဘရန်ဒန်ရော်ဂျာဟာ နယူးကာဆယ်အသင်းရဲ့ ချဉ်းကပ်မှုကို ပယ်ချဖို့ စဉ်းစားနေပြီး ဂွါဒီယိုလာထွက်ခွာခဲ့ပါက မန်စီးတီးကို နည်းပြချင်နေတယ်လို့ သိရပါတယ်။
နယူးကာဆယ်အသင်းဟာ ဆော်ဒီသူဌေးတွေဝယ်ယူပြီးနောက် အပြောင်းအလဲများစွာ မြင်တွေ့ရဖို့ရှိနေပြီး ချန်ပီယံဆုစိန်ခေါ်နိုင်တဲ့အသင်းဖြစ်အောင် ပြင်ဆင်ဖွယ်ရှိနေပါတယ်။ နည်းပြ ဘရုစ်နေရာမှာ အစားထိုးဖို့ နည်းပြသစ်လည်းရှာဖွေနေပြီး ကွန်တီ ၊ ဘရိုက်တန်နည်းပြ ဂရေဟမ်ပေါ်တာနဲ့ ဒေါ့မွန်နည်းပြဟောင်း လူဆီယန်ဖာဘရီတို့ပါဝင်နေပါတယ်။
ဒါပေမယ့် မကြာသေးခင်တုန်းက ထွက်ပေါ်လာတဲ့သတင်းတွေအရ နယူးကာဆယ်ဟာ လက်စတာနည်းပြ ရော်ဂျာကို ကမ်းလှမ်းဖို့ ပြင်ဆင်နေတယ်လိ့ု ဖော်ပြခဲ့ပါတယ်။ လက်စတာနည်းပြ ရော်ဂျာကတော့ ဂွါဒီယိုလာဟာ မန်စီးတီးနဲ့မကြာခင်မှာ သက်တမ်းကုန်ဆုံးတော့မှာဖြစ်တာကြောင့် စပိန်သားနေရာမှာ ရော်ဂျာက အစားဝင်ချင်နေပါတယ်။
ဒါပေမယ့် နယူးကာဆယ်ရဲ့ကမ်းလှမ်းမှုက ရော်ဂျာအတွက် စဉ်းစားစရာလည်းဖြစ်လာနိုင်တာဖြစ်ပါတယ်။ နည်းပြဘရုစ်ဟာ တော့တင်ဟမ်နဲ့ပွဲမတိုင်ခင် ကြာသပတေးနေ့မှာ ထုတ်ပယ်ခံရဖွယ်ရှိနေတယ်လို့ သတင်းတွေက ဆိုပါတယ်။