လိုကိုမိုးတစ်နဲ့ပွဲမှာ အက်သလက်တီကို တိုက်စစ်မှူး အဂူရိုရဲ့စံချိန်ကို ရိုက်ချိုးခဲ့တဲ့ ဖီးလစ်
1:30 PM, 2 October
အက်သလက်တီကိုမက်ဒရစ်အသင်းတိုက်စစ်ကစားသမား ဂျာအို ဖီးလစ်ဟာ လိုကိုမိုးတစ်နဲ့ ချန်ပီယံလိဂ်ပွဲစဉ်မှာ အသင်း အတွက် အဖွင့်ဂိုးတစ်ဂိုးသွင်းယူနိုင်ခဲ့တာကြောင့် ယခင်တိုက်စစ်မှူးဟောင်း အဂူရိုရဲ့ သွင်းဂိုးစံချိန်ကိုကျော်ဖြတ်ခဲ့ပါတယ်။
တိုက်စစ်မှူး ဖီးလစ်ဟာ နွေရာသီအပြောင်းအရွှေ့ကာလတုန်းက ဘင်ဖီကာ အသင်းကနေ ပေါင် ၁၁၃ သန်းနဲ့ ပြောင်းရွှေ့လာခဲ့တာဖြစ်ပါတယ်။
အဆိုပါဆယ်ကျော်သက်ကစားသမားလေးဟာ လိုကိုမိုးတစ်နဲ့ပွဲစဉ်မှာ အက်သလက်တီကို အသင်း အတွက် ခြေစွမ်းပြ ကစားခဲ့တာပါ။
တိုက်စစ်မှူး ဖီးလစ်ဟာ အင်္ဂါနေ့ကကစားခဲ့တဲ့ပွဲစဉ်မှာ အက်သလက်တီကို အသင်းအတွက် ဒုတိယပိုင်းစပြီး ၃ မိနစ် အကြာမှာ အသင်းအတွက် အဖွင့်ဂိုး သွင်းယူနိုင်ခဲ့တာဖြစ်ပါတယ်။
အဆိုပါသွင်းဂိုးကြောင့် ပေါ်တူဂီသားဟာ ချန်ပီယံလိဂ်သမိုင်းတစ်လျောက် အက်သလက်တီကိုအတွက် အသက် ၁၉ နှစ် ၃၂၅ ရက်ပဲ ရှိသေးတာကြောင့် အသင်းရဲ့အသက်အငယ်ဆုံး ဂိုးသွင်းရှင်ဖြစ်လာခဲ့ပါတယ်။
ယခင်တိုက်စစ်မှူး အဂူရိုကတော့ အသင်းအတွက် ပထမဆုံးသွင်းဂိုးကို ၂၀၀၈ ခုနှစ်က ပီအက်စ်ဗွီအသင်းနဲ့ပွဲစဉ်မှာ သွင်းယူခဲ့ပြီး အဆိုပါသွင်းဂိုးသွင်းယူချိန်မှာတော့ အဂူရိုရဲ့အသက်ဟာ ၂၀ နှစ်နဲ့ ၁၀၆ ရက်သာ ရှိသေးတာဖြစ်ပါတယ်။
လက်ရှိအချိန်မှာတော့ တိုက်စစ်မှူး ဖီးလစ်က ယခင်တိုက်စစ်မှူး အဂူရိုရဲ့ ၁၁ နှစ်ကြာစံချိန်ကို ကျော်ဖြတ်ခဲ့တာပါ။
တိုက်စစ်မှူး အဂူရိုဟာ သူ့ရဲ့ပထမဆုံး သွင်းဂိုးကို ပီအက်စ်ဗွီအသင်းနဲ့ပွဲစဉ်မှာ သွင်းယူခဲ့ကာ ပွဲအပြီးမှာတော့  အက်သလက်တီကိုက ၃-၀ ဂိုးနဲ့ အနိုင်ရရှိခဲ့ပါတယ်။
နည်းပြ ဆီမြွန်နီကတော့ လက်ရှိတိုက်စစ်မှူး ဖီးလစ်ကို ဥရောပရဲ့အကောင်းဆုံးတိုက်စစ်မှူးဖြစ်လာဖို့ အလိုရှိနေပါတယ်။
အက်သလက်တီကိုမက်ဒရစ်အသင်းဟာ ၂၀၁၄ နဲ့ ၂၀၁၆ ခုနှစ်တွေမှာ ရီးရဲလ်မက်ဒရစ်နဲ့ ဖိုင်နယ်မှာ ၂ ကြိမ်တိုင် တွေ့ဆုံခဲ့ပြီး လက်လွှတ်ခဲ့ရတာကြောင့် အခုလာမယ့်ရာသီသစ်မှာ ချန်ပီယံလိဂ်ဖလားကိုပစ်မှတ်ထားနေပြီး တိုက်စစ်ကစားသမား ဖီးလစ်ကိုလည်း ဂိုးတွေပိုသွင်းဖို့အတွက် မျှော်လင့်နေတာဖြစ်ပါတယ်။